نكرهكْ و نكرهْ الأكحلْ اللّي يفكّرني فيكْ ، و نكرهْ اللّيلْ اللّي يجيبكْ عندي و يرميكْ فوقْ فرشي  و يلصّقني ليكْ ..

يلْعنْ دين والديه و دينْ الملّهْ اللّي لمّتني بيكْ ،

نكرهكْ و نكرهْ مخدّتي  المبلولة بعرقْ عينيّا كي يترشقوا في عينيكْ ، و نكرهْ  صوابعي كي تكتبْلكْ و نكرهْها كي تزيدْ تسرحْ فوقْ بدنكْ : مرّهْ على خدودكْ ، مرّهْ في شونكْ ،  و نكرهْ يديكْ كي تنطقْ "شاهيكْ"، و كي لساني يبكشْ قدّامكْ و رموشي تقلّك "ابْعدني" ، تجري جفونكْ و تربطني  ب"اللّيلهْ بالسّيفْ عليكْ".

نكرهكْ و نكْره روحي كي تكرهكْ لينْ تطاوعكْ و ما تطاوعها ، و نكرهْ خشمي البلّار كي تحطّوا تحت سقّيكْ في الماردهْ و نكرهْ شمختي كي  تذلّها و فيكْ تمسحْها ..

يلعنْ مذهبْ  بوكْ  كي تطلّعْ روبتي تشطّحها, نكرهكْ و نكرهْ راس الطّاوسْ  كي تنكسو و  شخصيتي كي تضعّفها، و نزيدْ نكرهْ بدْني كي يفرْكحْ عايفكْ و إنت  تكبّشْ و ما تسيّبْ كانْ كي عنطزتي ترعّشها ، و زهمولتي تحتك تلهّفها ، و كي بدنك ينطق قبل لسانكْ : " انت ليّا و متاعي " و شفايفكْ  في عنقي تكتبها ، و كي ندزّك و نقلّك "ابعدْ" ، تسكّتني و فوقْ كرشي تقعدْ، و السّبتة في وجهي تحلّها و يدّكْ فوقْ خدّي تطبعها.

نكرهكْ  و نكْرهْ  صمايلكْ المتشمّة فيّا  و نكرهْ  كرافاتك كي تلفّها على عنقي و السّبتة كي تربطلي بيها يديّا ..

يلعنْ ترابكْ كي تقضي بأحكامكْ  و الوحمهْ اللّي مخبّيها عليّا ، و نكرهكْ  كي يجدّ الجدّ و قلبكْ بالسّرقة يضحكْ و شويّة ،   و نكرهْ خوفكْ من شرار فصّي و السّوتيان الأحمرْ كي تغطّيلي بيهْ عينيّا ، و نكرهْ توشويشك في وذني و صدركْ تحت السّوريّهْ ، و نكرهْ لسانكْ  كي يتعدّى فوقي  و صوابعكْ كي تخبّش سقيّا .

نكرهكْ  و نكرهْ كحلي كي يسيحْ ، و نكرهْ وجايعكْ  و شيطانْ جيبكْ كي ياخو فيّا  طريقْ و ڤرجومتي كي تصيحْ..

يلْعنْ وجيعتكْ كي تجرحْ فرشي و  صوتي كي منّي يريحْ ، و نكرهكْ كي تغسل روحكْ  في شعري ، و بين الشفّة و الشفّة تمرمدني بڤدمهْ ، لعبهْ و لعبكْ صحيحْ  ، و نزيد نكرهكْ كي  تصوّر  بشفايفكْ لعنقي ثنيّة  ، مرّهْ لفوقْ و مرّهْ لوطه  و تمصّ تزرّقلي لحمي و نفسكْ برّيمهْ و ريحْ ،   و كي تتفنّنْ تجبدْلي شعري  و باللّي بينْ سقّيكْ تخنقني ، نشهقْ يوصلْ لحلقي و تقلّي "اتبنّن مليحْ".

نكرهكْ و نكره  مطعمو في فمّي ، بنّة و سمّها هاري قطّعلي بدْني و ذبّلي شوافرْ العينْ و نكرهكْ كي تسطرلي همّي..

يلعنْ خباشكْ و  كساحْ كفٌكْ  و صوابعكْ بريوسْ صدريْ تسبّحْ و تسمّي ، و نكرهكْ كي تمرّرلي وذنيّا قباحهْ و تجري تتبرّدْ في دمّي ، و نزيدْ نكرهكْ كي تدلدلْ سقّيكْ  و بضربكْ تشويلي فخاذي و بينهمْ  دليلك لسانك كي ينغرْ من بوسةْ خالي و صبعكْ يتلاكشْ معاها  و يدّكْ تهمزني غنّي و لساني في طلامسْ يرمي .

نكرهكْ و نكره  شيطاني كي تنطّقوا و  يسبّكْ ، و نكرهكْ كي تبني بين صرْتي و حزامي ضريح إنت وليّو و كانْ ليدي على بدني نردّكْ ..

يلعنْ عرقك كي يغرّقني لشوشتي و كفركْ  بنوّارْ يحبّكْ، و نكرهكْ وكان نلقى كيف ما كبّيتني على راسي نكبّك ، و نزيدْ نكرهكْ كي تطفّي سواڤركْ على زنودي و خيوطْ راسكْ نشهّيها و ما نودّكْ،نكرهكْ و تكويني سخانتكْ كي تهفْ   و تذوّب روجْ شفايفي و في سرّي  نتحّي "ما شبّكْ" ،و نكرهْ كفركْ و الشّيخة  توحّشني في ربّكْ.

نكرهكْ و نكره  يديكْ كي توقّفني قدّامْ المرايا ، و بالدّرقة تنحّي السّوتيانْ  ، تستحلى الضّوْ كي يوجعني و دموعي حافره ثنايا ...

يلعنْ وجيعتكْ خلخالْ في ضلوعي و  خباشكْ و الزّروقيّة فاحتْ في هوايا ، نكرهكْ و نكره ْ شفايفكْ كي ترجعْ تبوسني  تفكّرني  في تصاورْ الحكايا ، و نكرهكْ  كي تنحّيلي البلّوطة و تلبّسلي  صياحي و غنايا ، و صرّتي سمنْ و  مخفيّة  و حليبكْ فحمةْ  و الكوْية في عسلي اللّي  يجري حافي هاربْ بخمارْ ولايا ..

نكرهكْ و نكرهْ الأكحلْ و الكرافاتْ و السّورية و السّوتيان و التّراسات اللّي تفكّرني كي ننسى ، نكرهكْ في ليلة بيضة و غزرة دحسة ، ببرشا محبّة في بوسة و تعنيقة و إنسى .. حلْمة في يومْ ظلامْ..