الجرح مازال طري وهو جاني وقلي نداويك بش نرجع نحبك خير من قبل وبروحي نفديك ...

اعطيني قلبك واش عليك وانا من اوجاعي نبريك وفي مشومي نسيك ،

حل جناحاتك ومدلي ايديك انا توة عرفت قيمتك وما نجمش نستغنا عليك ،

انا لي بش نسيك في قهرتك وقلبي ماعادش بش يعاديك ،

انا لي بش نفكك للناس وليا نخليك ،

انا لي بين ضلوعي بش نخبيك و في حضن الفرحة نرميك ،

انت متاعي انا وانا متاعك وحدك انا رجعت ليك ، انا ، نحبك مرايتي و مع طلوع كل شمس نشوف روحي فيك ،

انا لي تولدت منك انا غرامك وانا فنك احضنني كيما تحضن كلماتك اغرسني وسط ذاتك ومتعني ببنة صفاتك ايجا نسيك في الوقت لي راح و بوسة حنينة نبردلك الاجراح وخليني كل ما نقربلك ذوب في عطرك الفواح كونلي الصدر لي عليه نرتاح و نتمتعو بكل لحظة من اعمارنا ملي يطيح الليل لين يطلع الصباح

ايجا اتكا عتدي ليوم انا بش ندلل عليك بكلماتي انا ليلة نثور عليك و نرسملك ضحكة بنينة علا هاك الشفايف وبيدي نكبش عالقلب اللي مني ولا خايف الليلة انا بش نهبلك بفني وبش نخلي خيالك ديمة ملازمني ونحبك من خزرتي تفهمني

انت توة حكايتي لحني وغنايتي طاوعني وخلي الروح المجروحة مني تبعني نعطيك لحني وفنك سمعني كون للاتي و بيك متعني منحبكش تدور عليا وجهك ،

شجعني واعطيني الامل و ما تقهرنيش بحرارة عينيك الكحل وشوفني كيفاه بش نتبدل ، كيفاه بش نعيشك للّا و نقهر بيك البنات الكل