Zaineb S. - زينب س
الجزء السابق

وصلني لدار و مشا قالي تو انجي فالليل هبط مالكرهبة متقلقة و اووب نجي لبيت البانو و انرجع كل شي ، بديت انشك يا ربي شبيني نطلعش..

لا لا مستحيل لحكاية صارت مرة وحدة مش على مرة بش نحبل يا ربي شنوة نعمل ،

خرجت نجري لوجت على فارماسي شريت تاست و روحت عملتو و نستنا فالنتيجة يدي ترعش لا لا لا بوزيتيف لا لا مش صحيح هبلت بكيت قطعت شعري ضربت كرشي يا ربي مش توا مش ناقصة شنوة بش نعمل ..

سيف سيف لازمني انكلمو لازم يتحمل مسؤليتو ..

سيف اجريلي توا تجيني ..جاني يلقاني قاعدة و راسي بين يديا ..

خديجة شبيك اش ثمة طيحتلي قلبي ..ما قولت شي و مديتلو التاست ..شنوة هذا .. تاست حبالة ..

شنوة معناها ..ساكتة ..جبدني بالقوي ..نكلم فيك اش يحب يقول ..نطرتلو يدو ، معناها يا بابا انا حبلة ..لا لا غالطة مستحيل لحكاية عندها قرابة شهر ..

اي يا سيف انا شكيت و محبيتش انقولك ..اسمع لازم اطيحو ما نفهم شي ..في عوض تقولي لازم انعرسو فيسع تقولي انطيحو ..

شبيك خديجة هبلت كيفاش ناخذك و انتي حبلة و شهرين كرشك تكبر شنوة بش اتقول لعباد ما نفهم شي الصغير هذا لازم يطيح ..

شدلي ليلة كاملة لازم اطيح الصغير و ما نفهم شي و بعد هز روحو و روح ، انا بكيت بكيت اما ياريت البكا يرجع حاجة ، تعداو نهارين كالعادة ما نعرف عليه شي ، انا نخمم و تلفون صونا نلقاها زبيدة ..شنوة اش تحب مني زادة يا ربي ناقصتها ..

هزيت الو ..وي الو خديجة ..لازمك تجيني لدار اكيد ..علاش شنوة تحب تخرجني بسريقة ..يزي مالتبهليل متاعك و ايجا ..هزيت روحي و مشيت ، كرهتها الدار سبب بلايا ..

دخلت جاتني زبيدة رمات فوق الطاولة قدامي جواب قتلي حلو ..شنوة هذا قوتلك حلو ..حليتو وتصدمت طاح من يدي ....