Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نعشقك ..
Ikram Kalmemi - اكرام قلماميفي بالك ..
انا الي كل ليلة نبيع الدنيا و نفضالك
انا الي نعدي يومي مونسني كلامك ..
انا الي ما نبدى نهاري كان بتصبيحتك و سلامك ..
انا الي وجعتني الدنيا البارح و كي عرفتك بريت
انا الي دوخني زهري و كي ريتك وعيت ..
انا الي نقرب منك كل يوم ..
تونسني النجوم كي نحب نكتب عليك ..
ننسى الدنيا و الي فيها ..
نحبك و ما نعياش كي نعدي الليل نعاودلك فيها ..
انا الي كي نحب نحكيلك كلامي يوفا
انا الي كل ليلة نتمناك بحذايا ..
نكتبك في قلبي و روحي احلى حكاية ..
ننقشك بحروف ذهب فوق المرايا ..
نصبح عليك كل يوم كل صباح ..
ما نحبش تفارقني خليك معايا ..
انا الي نبات نحكي للڨمرة ..
على محبتك الي هزتني من دنيا لدنيا ..
على حلاوة الثملة ..
عالغمرة الي نحسها و انا فوق السحاب معاك
انا الي نخمم فيك صباح و ليل ..
انا الي نحبك سيد الناس و في اخلاقك و طبايعك غير ..
انا الي نتمناك في الشدة حنين ..
سرير يرتحني يفهمني يواسيني يحميني كي يمسني الغير ..
انا الي نحبك و في محبتني مش بش تلقى كيف
خوذ روحي و قلبي و مخي خليني نعمل كيف
انا الطفل الصغير الي بيك فهم الدنيا ..
انا الراجل الكبير الي بيك خاف يخليهاالدنيا..
البو الي يخاف عليك الي يأخذ من روحو و يعطيك ..
انا الي نعدي الليل نكتب عليك و نفسخ
انا الي نخاف من كلامي يوجعك و العاشقة الي بيناتنا تتفسخ ..
انا الي نغير عليك
انا الي كان جا ليدي نخبيك
انا الي ما نفدش من هداريك و لو يتعدى العمر معاك نقلك عنقني .. يا رب خاتمتي بين ايديك
انا الي حبيت معاك حاجات كنت نكرها
انا ال فهمت معاك كيفاش الدنيا نعشقها ..
كيفاش نعيشها بحلوها و تعبها ..
انا الي نحب ايديك .. خزرتك عينيك
انا الي نحب غيرتك .. و انت مطفي الضو
انا الي نحب نقلك راك روحي مالبارح مش من تو ..
انا الي حبيتك و أن شاء الله ما عندي بوجودك سو
نعشقك ..
اكرام ق.
Website Design Brisbane
Tags: