نحبك حتى وانت هزتك الموت .. نحبك حتى كي فات عليا الفوت .. نحبك و الحب بخوت اما انا معنديش ريحة البخوت .. البدن تردم اما الحب حي ماتردمش .. ماهزتوش الربح و مشى بختة في فلتة .. مامشاش في نفحة حبنا لاخر يوم كيما البارح و كل يوم .. و كيما غدوة و كيما الي بعدو سنين و قد ماتكثر عليا العين و تتعدى عليا ايام و سنين و يجيني انسان طبعو محلاه و بنين نحكيلو عليك و العين تبكي و القلب ينين.

نحبك ! بش نحكي عليك لصغاري كل ليلة قبل النوم ، اخزرو للسماء تلقا حبنا بين النجوم مرسوم في الهواء مدغور حتى كان  يهب و تتلم عليه العاصفة و المطر و الريح و يغبرو النجوم

محلاك كي عادتك !

محلاك في الوجود

محلاك في الاوجود

نكتب و نعني عليك موال و مألوف

محلاك في حالاتك الكل كيف عادتك

نحبك و خلي يقولوا مش منطق و موش معقول

أياماتي من بعدك تراتعوا طاحوا الاوراقي و تبعثروا.. نهز في حمل الوحشة اما الحمل من فوق كتفي مايحبوش يتدعثروا..

المنظر هوا هوا أما النفسية تتقاعس ، نلوج في مفاتح الفرحة اما يضهرلي المرة هاذي ضاعوا ، شنوا ؟ شبيك غرقت والا جيت تشرب من كأس الفرحة شرقت؟ جيت تلوج من عند الدنيا شناقصك ياخي طلعت تسرقت؟

المنقالة تضرب و انت راقد فات عليك الوقت ! الايام مازالوا متبعثرين و انا و الزمان ماناش أصحاب  و ماناش لاهين !.. تعبت

اما من حبك ماتعبتش ..كيما قالوا حبك راحة

و محلاك و محلى تاريخ جفاك

محلاه تخمامي فيك و مانيش خايفة عليك بين يدين ربي صحة عليك و نهنيك..

.. تهنا أنا و انت متهنين!

ماتخافش قمت على سقيا اما مازالوا مفصوعين..