Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
منين نبدى .. ؟
Ikram Kalmemi - اكرام قلماميما نعرفش منين نبدى ..
نبدى من اليوم الي خليتك فيه ..
و الا نقلك خليني ساكتة ..
توعينيا تحكيلك الى تعدى ..
بالحق ما نعرفش منين نبدى ..
نتفكر و الا ننسى ..
حكايتي الي بدات من نهار اللي خليتك واقف ..
مش عارف تمشي و الا تاقف ..
تخزرلي و عارف الي ما تنجمش تنكرني ..
كيفاش نبدى و انت البارح خيال كل ليلة يتعدى ..
معيشني كل ساعة في مدة ..
زمان الهيجة و الفدة ..
الى ما تتنحى كان بتبشطيرة سيقارو عالمدة ..
كيفاش نبدى ..
تحبني نتعدى ..
ننسى نخلي كل شي ورى ضهري و نقول اخطانا..
سيبنا من حكاية اكا العبدة الي من مرجة لمرجة ..
ثلاثة سنين عدتها فرجة ...
.. في فيانة ايديك ..
زينك بلي فيك ..
حتى تخرنينك تكريزك و العصب الي قتلتني ..
يا ميمتي ..
رعشة شفايفك .. السيقارو الي بيم ايديك
تحبني ننسى سواد عينيك ..
نبدى طريق بلا بيك .
يا ولدي خاطيك ..
تبعد عليا ناكلك نمميك ..
انسى ..
الحكاية مش بيدي و مش بديك ..
البارح استنست بيك ..
يبدى نهاري بتبسيمت عينيك ..
و يوفي و مش عاطيني قلبي نمشي و نخليك ..
هكا كنت عايشة ليك ..
تتنتفس بيك .. مستحليا العيشة معاك و بيك ايديك ..
جايني توة نحبتي نبدى بلا بيك ..
كيفاش نبدى .. منين بش نبدى ..
ننسى احلا عمر و تنعدى ..
....
اليوم نحب نحكيلك الي صار ..
سنين بعدك تبدلت برشا احوال ..
غابت الضحكة ..
حضر الهبال ..
اللي يمكني كل ليلة كي يسكن خيالك البال ..
اليوم نحب نقلك الي ليلي كيما هو نهار ..
البارح معاك نعديه ..
فرحانه و كلامك منسيني ضلامو و الي فيه ..
اما اليوم وحدي ..
نتفكر الي كان و نبكي ..
نحاول ننسى ..
نحاول نبدى ..
نكذب و نقول غدوة احلى ..
اما منين بش نبدى ..
تحبني نتعلم لغة الغشة ..
الكذب و الغدرة ..
نعرف غيرك و نقلو اليوم بيك نبدى ..
طريق بكلو حب و مودة .. !!
اسفة ..
بلا بيك ما نجمش نبدى .. ما نجمش نكمل ..
زايد ما عادش نجمش نفلم ..
حاسبتني على سكوتي قبل .. اما توة نحب نتكلم ..
البارح صدقت .. قلت تو ينسيني الوقت ..
اما زايد ..
نبدى و انت تحب تمشي .. تخليني وحدي
و تتعدى ..
اكرام .ق
Website Design Brisbane
Tags: