أيام شهور وسنين يمكن يتعداو في رمشة عين .. هذا كي نشعل شمعتي وتونسني بالليل .. توحشت نورها إلي مونسني فالضلام.. نحكيلها إلي صاير فالحقيقة وفالمنام..

صحيح ليا شهور ما كتبتش أما هذا ما يمنعش اني معبيا حكايات ..

الكتيبة هي الحاجة الوحيدة إلي تخليك تحكي إلي بيك .. خايب وإلى باهي تفرغ الإحساس إلي فيك..

على حساب الدنيا والعالم إلي يدور.. على حساب المحبة إلي فالقلب ما تزول .. حبيت نحكي على غدرت الناس لك..

تمن إنو الصاحب في هالزمان يولي عدوك ؟ تمن إنو ما يدوملك كان أمك وبوك ؟

أي نحكي على صحبة هالأيام بعمرك ما تقول راني معاهم في أمان .. صحيح موش الكل كيف كيف أما إلي ذقتو أنا مكثرهم صحبة الكيف ..

يحفرولك باش اطيح وما تقوم .. أما ربي الفوق يخلص الحقوق .. كرهم في بعضهم أكثر من محبتهم ..

عسانهم على غيرهم أكثر من عيشتهم .. وراس بنت عمي لا تربح من طبيعتك شيء.. يا لاهي بهموم الناس همك يا مشوم أكداس.