Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما عادش نلقاني فيك
Saief Ezzine - سيف الزينلا همّي تسأل آش بيني
ولا يهمّني نعرف آش بيكْ
آش همني أنا في ضياعكْ
في طريق ضيّعتو بيديكْ
في قلبي وجيعه تكفيني
و يكفيني ديما ناسيكْ
وحدي مع وحدي معلّيني
يا حسره كنت معلّيكْ
في سكاتك كنت تناديني
ومن غزره نعرف إلي بيكْ
ومن ضحكتك نفرز دمعاتكْ
و من ضعفك كنت نقوّيكْ
و نطبطب ديما على أكتافكْ
وعلى أكتافي تتعدّى نعدّيكْ
و نفرح كي تحكي طلعاتكْ
وكي تغلط كنت نرضّيكْ
و نزيّن ديما حلماتكْ
من بدني نخرج ونجيكْ
و نلاغي شعرك في نعاسكْ
وكي تبرد بروحي نغطيكْ
وفي الفكره في مثيل هلالكْ
ومع ناسك قمره نضوّيكْ
و نخيّط روحي على قياسكْ
مش ضعف همّي نُرضيكْ
و اليوم أنسى آش بيني
و خلّيني ناسي آش بيكْ
وينو إلي عجبك في هبالكْ
كي شمّك إستخسر يسقيكْ
شكون علمك تشري إلي باعك
و ترخص إلي شاريك
في بالك ترجع تلقاني
ما عادش نلقاني فيكْ
خلّيك مع الرّيح تغنّي
و جناحك ما يرد عليكْ
سيف الزين
Website Design Brisbane
Tags: