سيدكم

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

البارح هو وغدوة أنا .. هذي قالها بطل وراجل وسيد الرجال ..

كي يقوم الصباح في مخو باش يهد الجبال ..

هو زوالي كيفو كيف إلي تغدر ..

مات وخلا عايلتو في القهر ..

يقولك أنا زوالي وندافع عالزوالي..

نعيش وإلا نموت هكا الدنيا تحلالي ..

هو إلي يبات يخمم على روحو وعلى أصحابو..

موش خوف أما خوف على بلادو ..

هو يعنيها الغناية كي يغنيها " نموتوا نموتوا ويحيى الوطن "..

هو إلي يشق البرور والبحور باش نرقدوا مرتاحين ..

هو إلي يبات في بلايص ما يعرف برها فين..

هو صغير وفي بالو ما يحير ..

يحمل سلاحو إلي معاشر سنين وسنين ..

يقولك نموتوا في بلادي حتى مظلومين ..

هذي أرضي وأرض أجدادي إلي عشت فيها ونكبر فيها أولادي ..

أولادي إلي نربيهم عالرجلة والقلب الحديد موش عالغدرة وقتل القريب والبعيد ..

بلادي إلي كبرتني وخرجت الرجلة إلي فيا..

ودعوة من الميمة تحلي البيبان في الثنية ..

هذي كلمة من مرت عسكري ليكم..

ربي يحفظ حوماتنا ويبعد البلا عليكم .

بقلم إبتهال الحركاتي

Tags: