خليت عليا بلاصة
توحشتك

توحشت كلامك و سلامك
تفدليكك و خنارك

توحشت تحكيلي أسرارك
و تشكيلي من دمارك

توحشت كلام عينيك
سكوتك و النور إلي مخبي فيك

توحشت تفاصيلك الصغيرة و الكبيرة ،الخايبة،الباهية المغفسة، المرفسة

توحشتك و توحشت نعاود نحبك
نعيش فيك و في فنك .

و كل مانتوحشك نتخيل روحي خذيت تعنيقة منك

إيجا نراو بعضنا نكملوا لي بديناه من جديد
و نعيشوا بعيد على لعينين
نخبيك و مانخليك
نضيعك و نعاود نفركس عليك ..
ايجا خليني نعس عليك ، و نغرس ايدي في يديك

توحشت أول خزرة و أول كلمة
أول ضحكة غاطسة في الحشمة

أول حكاية حكيناها و تنهدنا علاها

توحشتك و الوحش ماشي و يطول
لا فهمني و لا حب يزول

توحشتك و ماعاد عندي فين نشب
و نحس في قلبي ولى خرب
بنية مهدومة و مهجورة،في غابة محصورة ، في قاع الحجر مرفوسة

بنية كلها ضلام بلاش ضو و ألوان ،و لا فيها حتى عنوان

توحشتك و مازلت نتوحشك
مازلت نستنى منك في كلام حتى كان في المنام  

توحشت نهربلك

نتخيل نمشيو للبحر
نتكاوا على حافتوا لين تغيب الشمس

توحشتك و ماخيبها الحيوط الي مسركلة بينا لا نعرف لا شنوا حاسس لا وينك
نتخيل يديا إلي تتملى بصوابع ايدك

توحشت منك كلمة نحبك على غفلة

و لهوة بيا وقت النسوى

وخوفك عليا وقت ضلامت عي عيني الدنيا..

أما هي الحقيقة ضلامت توا ..
من غير عينيك كل شي ضلام ..  

خليت عليا بلاصة ..
توحشتك