اكثر حاجة مطلعتلي الدم لراسي في هالغمة الي واحد عايش فيها تحل الفيس بوك ما تلقى كان كيف تصبحين زوجة ممتازة!!   كيف ترضين زوجك!! كيف  تعرفين انك  لاتصلحين كزوجة يا لطيف ياخي المرى عندكم تقرى و تتعلم و تتربى كان بش ترضي سي السيد ؟؟

نهار اخر تطلعشي الدنيا تدور حولو سي الزوج هذا ملا حالة في العرب داهم كان ماهي الاطعمة التي يفظلها زوجك لا قلك كيف تتعرفين على التسريحات التي تغري زوجك شبيني مانيش عبد

انا ما عنديش كيان و كينونة و نحب و نكره ياخي ويني زوجي هذا وقت كبرت وقت حبيت و تقهرت اول مرة وينو وقت جريت في الكيران و جلبابي يتكركر و المطر تصب وينو وقت نجحت و تخرجت يزيشي يجي عالجاهز يهز وردةو من دار بوها يكمل نبطل حياتي الكل و ناقف كان نلبي في رغبات و شنوة سيدي يحب و شنوة يكره شبيني اش ناقسني انا بش ما ناخوش الي يدللني الي يسعى بش يحققلي الي نتمنى علاش مش هوة الي يبطل كل شيء و يردني محور حياتو منيش ضد المرى دلل راجلها

لكن المثل بالمثل يدللني و ندللو يفرح بيا و نفرح بيه نعيشلو و يعيشلي اما للاسف في وقتنا توة كبرونا نخافو من البو و احنا صغار يرعبونا من الخو و احنا قاعدين نكبرو و وقت يجي المكتوب يقرنونا اكا الدرس المشهور رد بالك تغشش راجلك رد بالك تصحح راسك مع راجلك حطو في عينيك راهم سند متاعك في الدنيا حاسيلو يقلبو الفرحة متاعك خوف و نكد يخوفوك من الراجل الي خطرتو بش تكمل معاه حياتك يخوفوك لا تغلط غلطة ترصيلك البرة للاسف هكة تربينا و في الغمة الي انا عايشة فيها ما ثماش فرق بين الام الجاهلة و الام المتعلمة توالله الجاهلة ابرك انما بحيث الام المتعلمة كيف تجي تحكيلها و تقلها راني عرفت فلان مصيبة يا ولادي جريمة تردك ابصر اش عملت على اساس هي ما تعرفتش و عرست و جابت الصغار المشكلة في المجتمع متاعنا انو الخنقة ما تلقاهيش مالبو و الخو بركة زادة مالام و الاخت الكبيرة  كيف طيح الطفلة يكثرو الي يلومو ما تلقى حد يمسح دمعتك و ياخو بيدك تالحاصل هذا كل معروف و حديث يجبد حديث الواحد كره المجتمع الي عايش فيه و النواة الي تتكون من بوه و امو و خواتو اما ميساج اخير للشلايك الي نهار كامل تعس عليا انا فاش قاعدة نكتب و نهبط نحب نقول ربي عطانا مخاخ مش كيف كيف كيف انت تخمم حدك حد صباتك انا الدنيا كبرتني قبل وقتي تربي يهدي مالاخر الستاتو هذا ميساج لبرشا بنات تقصف عمرها و شبابها بش تجري ورى واحد عندو في عوذ الوحدة الف يا بنتي عيش و اعمل جو و اضحك و بقلا ليها الكبر بش يجي و المشاكر بش تجي و الدايم وجه ربي :)