الدموع تنشف بطول المده.. تقعد وراها كان الخنقه.. الانسان يبكي دموع و بلادي تبكي دم.. لا لقات شكون يواسيها لا لقات شكون يحن.. ياويلها من ولادها اللي ضاعوا، ماتوا و تغدروا على غفله.. لالي جاي يزورها في بالوا باش يلقا حفله..

شكونهم هما شوهولنا بلادنا.. لايهمهم كبير ولا صغير.. لامسلم، لا توراة و لا انجيل.. شنيا ذنبنا رعبونا و رعبوا زوارنا.. لايرتاحلي بال في الشارع و لا في دارنا.. ناري على بلادي اللي ضاعت بين البلدان.. كان راسها مرفوع و عالي على طول الزمان..

هذا كلام من بنيه حزينا على بلادها.. مش عارفا الوين باش توصل في حياتها.. بكاو رجالنا اللي يدافعوا عليها.. على ترابها سهروا الليالي باش يحميوها.. ضاع الكلام على بلادي في رمشت عين.. حاشما منها كي نراها تبكي و تنين.. تونس قويه برجالها و نساها كبار و صغار.. مهما تغدرها ربي حاميها ليل مع نهار.