الورقة بيضة فارغة..

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ibtihel Harakati - إبتهال الحركاتي

شمعتي ضويتها ونورها سطع عالورقة إلي بين يديا ..

الورقة بيضة فارغة وضايعة الفكرة إلي فيا..

مانيش عارفة شنية إلي مانعني وخلاني نوصل للحالة هذيا..

في لحظة هبطت الدمعة ما بين عينيا..

وطفات شمعتي إلي كانت مضويتلي الثنية ..

تخنقت .. تقهرت.. تكويت .. تشويت .. موش من حاجة وإلى من شكون ..

من الدنيا إلي ادور وما تدوم ..

في طبعي ما نشكيش وما نبكيش .. أما ما يلزك عالمر كان إلي أمر .. حبيت نصيح ونخرج الطاقة إلي فييا..

عرفت ما يحس بيا كان إلي خلقني عالم بيا..

ما فهمتش هذي قوة انسان وإلا الضعف إلي فييا..

حرت وحار المخ إلي عالغفلة يسرح ويضيع لبعيد يخمم في إلي جاي وإلي باش يصير ..

زعما إلي تمناه وحلم بيه يصلوا وإلا في لحظة يطير ..

حبيت نكتب شويا باش تخفف الوجيعة إلي فييا..

ورقتي بالدموع ذبلت والقلم شاح ما بين يديا ..

زعما الدنيا حازنا على حالها وإلا الوين وصلتني هي؟

ابتهال الحركاتي

Website Design Brisbane

Tags: