حكايات البنات عمرها ما تنسات.. سمراء وإلا بيضاء زينها حلاوات.. روحها ياسر خفيفة وبيها هي الدنيا زهات.. خليني نحكيلكم  شوية عليهم: بنات هالزمان موش كي كل زمان .. بالكلمة الحلوة تكسبها وتخليلك في قلبها مكان .. كيفها كيف الطفل الصغير.. بمحبتك ليها تخليها تزهى واطير ..

برشا مايعرفوش قيمتها وبرشا يقدروا بلاصتها .. رد بالك تبكيها نهار خاطر باش توليلك أم الدار .. تربي الصغار وتعمر العمار.. جربت مرة تعيش بلا بيها؟ خلينا نقولو جربت حياتك بلا أم؟ تتخيل نهار تدخل للدار وما تلقاش أمك؟ البنية في صغرها دلولة .. تكبر تولي المعشوقة .. و تولي الأم الحنينة .. عزها باش تعزك .. حبها باش تحبك.. خاف عليها ومالدنيا أحميها.. تنورلك حياتك وتصونك حتى في غيابك.. هذا كان عرفت كيفاش تكسبها.. قدرها.. حبها .. عزها .. وما تخليها للغير .. وماترى منها كان الخير .