Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما عاش تتكلم
Dalel Nasri - دلال النصرياسكت. .ما عاش تتكلم
راسي يزنزن و مخي في الكلام يلحن
و ما نحبش نكتب
اسكت. .يزي ما لعبت بالكلام
يزي ما بنيت قصور أحلام
طلعت في آخرها أوهام
و صدقتك. ...
اسكت. .ما عاش نحب نسمع صوتك
نحب ندفنك بيديا و نبكي على موتك
نحب نجري و نجري
و مرة في العمر نفوتك
اسكت. ..عبينا مالكلام شكاير
و بنينا مالكلام دواير
و درنا و درنا
و رجعنا منين بدينا
اسكت. .انا ما عاش نحب نكلمك
نحب نسمع كان صوت سكاتك
اسكت و ماعاش تغزرلي
طرشقت. .مش لازم هكا تقحرلي
علاش فاش كنت تستنا
في تبهليلة منا و منا
و توفا الحكاية كالعادة
و نرجعو لا نقصان لا زيادة
لا. .المرة هاذي لا
المرة هاذي انا شنحكم باحكامي
و نصور ثنية قدامي
اسكت خليني نخمم
خليني نسمع صوت روحي
مرة في العمر
خليني تكسر حيوط كلامك
بكمشة دموع و حجر
ونولي مناضلة
و نتسمى السيدة الفاضلة
الي حررت السكات
الي ساكن فينا الكل
وخرجت الهبلات الي تسكن كل عقل
هوا كي تجي تشوف
لاني مناضلة و لاني سيدة فاضلة
و مانيش جاية باش نحرر
انا برك نحب نسكر
بحريتي
ورقة و ستيلو يهبلوني
و من مخي يخرجوني
تتسرسب أفكاري بشويا بشويا
وفي لخر ترا ورقة و الا أوراق معبية
مزيانة والا لا. .ما نعرفش
كان جا يهمني راني ما نكتبش
كان جيت نعرف راني حبست
اما انا ما نحبسش
دلال النصري
Website Design Brisbane
Tags: