Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حــاولت
Dalel Nasri - دلال النصريحاولت...
والله أنا حاولت..
حاولت نصدق الكذبة
و تجد عليا اللعبة...
حاولت نلعبها بهلولة..
و يجد عليا بسهولة
و نرضى كيف الصغار ببوستين
و نتشرى بتعنيقة و حضن حنين
أما أنا كنت نشوف..
كنت نشوفها في عينيه
في مخو...و في طول لياليه
كان معايا..أما قلبو معاها
يتمنى يطير يجنح في سماها
كنت نراه ما يرقد كان ما يقولها كلمتين
يطمنها الي هيا ممو العين
و الي مهما بعد عليها...لبعضهم راجعين..
و أنا... كنت حذاه و ما يحسنيش
ما يمسنيش..
أنا إلي معاه سنين توا نعيش
أنا الي عارفة و كاتمة في قلبي
سر كبير مخبي..
أمي تقول شعندك فيك
ماو يروحلك في الليل
و في دارك تلقيه...
و أنا نقلها يامي راي ساكنة فيه
واقفة بياناتنا...و مستحوذة عليه
راو يعدي النهار شارد و سارح
و يصبح ساعات يغني..
ساهر معاها عاد البارح..
كنت نغزرلو يبدا مزروب ماشيلها
بش يغرق في شعر ليلها
و هوا من لهفتو ما يرانيش
يرميلي بوسة...
تقول عليا دمية و الا عروسة
و يقلي لصحابي ماشي
و مرواحي ما تستناشي..
نضحك عليه و على روحي
عالمسرحية الي عايشينها
و عالحكاية..الي زوز عارفينها
أما مخبينها..
أنا من كثر حبو ليها..
لوجت عليها..
تبعتها من بعيد..
فهمت علاه كل يوم معاها
يحس روحو عبد جديد
فهمت علاه هيا غلبتني...
ياخي قتلتها...كيما قتلتني..
سنين توا...
و هوا ملي ماتت ماعاش هوا..
باقي حاسبني ملائكة...
أنا الي بعمايلي فت الشواطن...
و الخوف ديما فيا ساكن..
أما...لا عاد تليفونات و لا ميساجات
لا خرجات و لا سهريات..
و لتوا حاسبني بهلولة...
أنا الي دخلت فيه و فيا غولة..
و هيا...بش تبقى ديما بيناتنا
مهما أنا حاولت..
دلال النصري
Website Design Brisbane
Tags: