Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أما أنا نغير
Dalel Nasri - دلال النصريلو تعرف قداه نغير عليك
منها....
قداه ما نحبكش تدور
في دوايرها. ..
قداه ما نحبش نراك في
تصاورها. .
قداه ما نحبش نتبنن نغمتك في غنايتها. .
و عطرك في برفاناتها. .
لو تعرف. .قداه نكره وقوفها معاك
و نكره لمعان نجومها في سماك
قداه يقتلني كلامها
قداه يقلقوني أحلامها
لو تعرف. .قداه نحب نفسخها
ما نخليلهاش حتى أثر
تلوج عليها بر و بحر
و ما تلقهاش
بالك وقتها تعبرني و تراني
و نسكت هالدنيا الي عاملة عليا بلعاني
مااصاب جيت كيفها
مااصاب جيت حتى ترتيحة
بين شتاها و صيفها
اما انت ..ما تراش حد خلافها. ..
ترى بعينيها. .تسمع بوذنيها
تكفر و تشهد بيها
هي حاضرك. .مستقبلك. .و ماضيك
و تعرف كل التفاصيل الي فيك
..و أنا. ..أنا ما نعرف كان شوية
نعرف ذكريات في وسطي متخبية
نعرف الي هيا كانت ديما للا البية
كانت ديما فايتنني بخطوة
فايتنني بحكاية. .بغناية
كنت ديما في خيالها نحصر
في تمثالها نحاول نكسر. ..
و في لخر سلمت. .
أما باقي نغير. .
و باقي حبي ليك كبير
و باقي نعرف هيا ليك و انت ليها
و الي انت ما تولي انت
كان ما تشوف تصويرتك في عينيها
كان ما ايديك تمس أيديها. ..
أما أنا نغير. .
نغير. ..
دلال النصري
Website Design Brisbane
Tags: