كبرت...و الكبر واتاني..

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Dalel Nasri - دلال النصري

وكبرت...قداه انا كبرت..

كبرت...

مااحلاه الكبر..

تتعلم تاقف وحدك و تمشي

و في غيرك ما تخممشي..

كبرت..و ولات روحي اولى

و حياتي أحلى..

و ما زينني و ما احلاني..

و ما يخسر كان الي مشى و خلاني..

كبرت..و مابن الكبر..

مابنها تتطعم كل لحظة في العمر..

ما ابنها تكبر عالوجيعة..

تعرضها بتبسيمة..تضوي وجهك ديما..

تبلعها..و تخبيها..

و نهار الي لازم..تمدها..

تخرجها..و للي وجعك ترجعها..

تخليه يدور فرد بلاصة..مش مصدق..

الي الضربة منك جات..

هوا الي كان ماشي في بالو..وفات و تخبات..

تتبسم..و تخليه غادي..

و تواصل حياتك عاادي..

كبرت..

طرت و عليت..ماعاش عندي حدود..

ماعاش شيء يحبسني..

و نكسرها اليد الي تحاول تعرقلنؤ و تلا تمسني..

كبرت..ووليت ماعاش نبكي كيف نتضرب تحت الحزام..

نبلعها..و نقول مازال الايام لقدام...

و مازلت نكبر..و مازلت نعلي

و خلي يقولوا ..خلي

كلاهم ما يهز جبال..

و انا جبل شامخ...

زيتونة عروقها ممدودة لسابع ارض..

لا تنجم تقلعها لا بالطول و لا بالعرض

كبرت...و الكبر واتاني..

و كان كبرت عليك..

سامحني..انت صغرت..

مش بلعاني

دلال النصري

Website Design Brisbane

Tags: