Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
زعما أنا آش نحب
Dalel Nasri - دلال النصرينحب..
زعما أنا آش نحب
نفرغ و إلا نتعبى
نبان و إلا نتخبى
نتبنى و إلا نتهد
و ما يسكنني حد..
تتكسر حيوطي
و تتحل خيوطي..
ويقطر دمي...و يكبر همي
و نتوجع...نتوجع
ونبرا..
من غير مايخرج شي
على برا
نحب...
زعما..نحب
نبت روح في وسط روحي
قلب في وسط قلبي
عقل...ياخذ من عقلي...
و حتى من هبالي..
نحب...
أنا شنوا نحب..
نحب نتلم و الا نحب نتفرت
نلقاني...و إلا ما نلقانيش
زعما..نحب نموت و إلا نعيش
و كيف نموت...
نخلي...و ألا ما نخليش
نحب..انا شنوا نحب
نحب نهز الكل..
نشرب لين نتعبى
و نفيض...نفيض
و نتحل في العريض
و إلا زعما..
نحب ناخو كان شطر..
نقسم..مع الأخرين
و نلمد الأشطار و نلصقهك
بالك يوليوا نهار..
كيما يعملوا الصغار..
الصغار..ماأحلانا كيف كنا صغار
فيسع كبرنا..
تكدست همومنا و تكدرنا
باهي أنا شنوا نحب..
نحب نقتل..و ألا نتقتل
نحب نسلم و نهبط إيديا
و إلا نخلي فيا أمل..
نحب...نقول انا فشلت
و ألا نقول انا لقيت الحل..
و فزت على الناس الكل..
نحب...
قلي أنا شنوا نحب
إنت ألي تعرفني..
و من غزرة تكشفني..
و ألا حتى أنت ماعاش تعرفني
و ماعاش تعرف آش نحب
و حرت و حار دليلك
و تبدل نهار ليلك..
في بالك ساهل هوا..
تحب...و تعرف آش تحب
زعما أنا آش نحب
دلال النصري
Website Design Brisbane
Tags: