Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
حلمة مغمُومة
Fedia Ayari - فَادِيَة العَيَّارِينسمِة الخرِيف هبتْ و شويّ فرحة دبتْ
تملاتْ و تعبَاتْ باهُم
و امبعدْ
كبتْ و فرغتْ كل شيّ بعيدْ علاهُم ..
بردْ الشتَاء بصوتُو المبحَاح بدَى يبانْ
غزر و قالْ متشمِتْ : " نعرفْ ثلجِي على حدْ ما هاَنْ " ..
بردُو القارصْ حديثُو على كُل لسانْ لينْ خلاتُو يتهانْ
و ردتْ روحُو الثائرَة مع كُل عامْ ما تِسْتكَانْ ..
يزيدْ في الدُوزه فيبالُو مراجْ كِي العجَاجْ
لينْ قرر يهزْ عزُوزة و سكِرْ على شطرْ نفسهَا في دبُوزة ..
يدْها المرعُوشة تمدتْ
و خيطْ في وسطْ الظلامْ شدتْ ..
لقاتْ حلمتهَا مغمُومة وسطْ كُدس حلماتْ
و يا سعدْ حلمتْها المرشُومة كِي تلقاتْ و مشْ بشْ تضيعْ بين الثنيّاتْ ..
و تِضْرَبْ فاهَا الشتاَء خاطر تاهتْ بين الشهواتْ بأكَا الخطِيوَاتْ ..
و نفخْ في ليلة ريحْ هدّْ باهُم بيبَان و حلْ شبابكْ بكلِيمَة و طرفْ شتِيمة ..
وقتهَا بداتْ الحكاياّتْ و الكلاماتْ
حكايّة عزُوزه هَازْهاَ الوادْ و ما لقَاتْ وينْ تباتْ ..
فَادِيَة العَيَّارِي
Website Design Brisbane
Tags: