Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
بشْ ندُورْ و نلقاكْ
Fedia Ayari - فَادِيَة العَيَّارِيوقيِتْ بشْ نِكتبُوا غُنَاية مِزيَانة و يزِينَا م الزَنْزَانة
شقولكْ نعيشُوا شوَي فِي الخيالْ و نعَبِييو الدِنيا بطرفْ أوهامْ
نشدُوا حلمَة مِ الأحلاَمْ و نْدُورُوهَا شْليِلَة و مْلِيلَة و نِكتَشفُوا كُل ترْكِينة
نَبنِيو دارْ بلاشْ حيُوطْ و نشَكلُوها ببرشَا خيُوطْ
نهزُو سقفْ بِسكَاتْ الصوُتْ و بالنْفسْ تعْ القفصْ اليِ يِتهَزْ و يتنفضْ
اتكِي راسكْ علاهَا و تقُلهَا ما تمْشِيشْ راوْ الطفلْ الصغيرْ الِي فيّا مزَال كِي بدا يِتنفسْ و يعيشْ
كلْ شيْ يرجَعْ يتحَسْ و النبضْ مزرُوبْ معَادشْ يتجسْ ..
جيتْ تتكلِمْ ، بحِيتْ
" ما نتُوب يّا بنتْ الناسْ الاَ ما تكمِي بدمِي و تِتكيِفْ عروقْ جواجِيَّ
راَنِي بالضَحكة و التبسيِمة نَحيَاا بيكْ و نْقَوِمْ روحِي اليِ ساكْنة فيكْ
قلبِي ما نعرفْ وينْ ، يُمكن فِي بلاصَة مخبيَة فيكْ و قاعِدْ كُل مرّة يطُل عليناَ
فعلِي عمرُو ماهُو بشْ يتبدلْ و قلبِي ماهُو بشْ يتكبلْ أمَا يُمكن يتْخَبِلْ
نتصوركْ نِجمة و كُل لِيلة نغمضْ عينيا و نِتمنَاكْ
كِي يضيقْ بيَّا الدهرْ بشْ ندُورْ و نلقاكْ ، نفركسْ عليكْ كاَن انتِ و نراكْ
و الِي يحبْ ما ليهْ كان يتُوبْ و يمحِي الذنُوبْ .. "
فَادِيَة العَيَّارِي
Website Design Brisbane
Tags: