مهبوُلْ من غِير أوهَام ، صُورْ متحَركة منْ غيرْ ألوانْ ، جنِينة ذاَبلة فيهَاشْ أُقحُوان ، عبِيدْ بلا حيِلة يعْبدُوا في أصنامْ ..

قبلْ ما تخَلاَهَا كَانتْ بشْ تقُلك يا بابا رانِي نحِبك و نمُوت عليكْ ، نقدركْ خاطِر شبَابكْ ضيعتُو علينَا ، تعبكْ كبَرنَا و مجهُودك تحطْ فيناَ ، أحلىَ سنينْ منْ عُمركْ خسرتهُمْ بشْ تزهِينا .. استنَى عَ القليلَه مَا تمشِيشْ خَ نرجَعلكْ فرحة ألفْ وجيِعة حتَى بكعْبة حلوَى بنينَة و هَذاكَا الِي تقدِرْ تشرِيه طُفلة صغِيرة ..

ماكْ قُتلِي هانِي ديمَا معاكْ  و لاَ فمَا شكُون لهاكْ و فيَّا نساكْ ..

غزْرة رزينَة و تذْبيلة عيِن حنينَة ، تبسِيمة أُمْ الزِينْ ولاتْ مكسُورة و حزِينة ..

و هَاي تعدَات الأعوَام يا بَابَا تجرِي بيناَ

و الوجَاعة مزالتْ واحلَة فينَا و شواطِنْها تحكِي علينَا

احنَا اليِ بيناَ و علينَا راناَ تنسينَا و بعدْ سنينْ مزالتْ مِشْ مصَدقة اليِ أحناَ ما تلاَقِيناَ حتَى في زنَاقِي المديِنة ..

دمْ قلبِي ندفعُو و مشْ خساَرة فيكْ أرجَع الله يهْديِكْ

توحشتْ كُل شي فيكْ

تِفرَغْ الدنياَ و قلبِي ما يفرغشْ عليكْ ..

أماَ ..

أماَ حتَى كَان مشيتْ مزَال عندنَا فِي الحلْمة مَوالْ طوِيلْ ..