Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ايّا تجيني
Amal Riahi - امل الرياحيأيّا شقَوْلك كان تجيني
تَنسى لي فات و بييك تمليني
نخلّيك عندي و نملا بيك عيني
شقَوْلك ترجّعني نسكن في قلبك و تسهر ليلك تحميني
و لاّ تحسبني وردة في جنينتك و كل صباح تسقيني
و نكُون شمسك و صباحك و لي نطلبو تعطيني
تعرفني نرضى بلّي من عندك يجيني
و كلّ حاجة صغيرة تعملها تكبر في عيني
شقَوْلك تخطفني م الدنيا و عندك ترميني
و تصلّح لي فيّ فسّدتو و تعاود تبنيني
حجرة حجرة و تزيد تعلّيني
اما نخاف كي نملا بيك عيني تعاود تعميني
و كيما اتطفّي سيقارو تطفيني
و طَفيْتو تجي على قلبي و تكويني
و كيما بكّيتني قبل تعاود تبكّيني
ايّا تجيني و لّا منّك فكّني يزّيني
أمل الرياحي
Website Design Brisbane
Tags: