Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
أما نتي سماك ما تفهمش
Amal Riahi - امل الرياحي-تنجّم تعتقني ؟
غرقت في بحر عينيك و مُت فيك
مُت مرّة في قُربك و ألف مرّة في بُعدك
و يا هناك و يا سعدك
ونتي معشّش في قلبي و ساكن فيّا
اما سماك فيك حاجة مش عاديّة
تمهمشني مفهمتهاش شنيّة
يمكن متخبيّة في عينيك و لا في عروق يديك
و لا بالك المشكل في عينيّا !
زعما تكون معنّقة الشّامة الكحلة لي تحت الشفايف
و نتي مطفي الضو و عامل روحك مش عارف
تمليت بيك جلد و عضم و قلب و عقل و روح
يا عنبر في زناقي المدينة العربي يفوح
فيك تبسيمة تخليني نحسّ لي ذنوبي تتغفر
و يتوب شيطاني لي عبث بالدنيا و كفر
و نخاف عليك
م عينين الناس و الشيطان الوسواس و الناس الأجناس و كل حاجة بالشّر تمِسّك
أما نتي معقّدها تحِسِّك
فيك حاجة تعمل الكيف
يا خريف في وسط بنّة و يا بنّة في وسط خريف
ربّاني تسحر عينيك و شنوّة السّر لي فيك
لي يخليني نحب نخرج منّي و نكون منِّك
نعنّق خيالك و نضيع في فنّك
نبلبزك ألوان و نتفنِّنك
نسافر في تراكن و زوايا بدنك و غادي نعيش
و نرسمك ليل سوادو حالك ماتشوفنيش
و لا شهوة في لحظة طيش
نرسمك شمس نارها حرّة ماتتقربش
أما نتي سماك ما تفهمش ...
أمل الرياحي
Website Design Brisbane
Tags: