Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
الوحش و لا الأذيّة
Amal Riahi - امل الرياحيتوحّشت تجي العين في العين
و توحّشت حبّ سنين
توحّشت الضحكه على الخدّين
و يفرح القلب لي كان حزين
توحشت نشوف روحي في وسط العينين
كلامك الحنين
غزرتك طلّتك حتى التخرنين
توحشت الشامة الكحلة ليل
و الشعرة لي مع الريح تميل
توحّشت اللّمة الحلوّة
توحشت الأحمر لي كي نحطو في فمّي تقلّي هاذاكا شنوّة
توحّشت نشم ريحتك على يديّا
نشدّك بكلّك بكلالك و نحطّك في جواجيّا
و كي تخزرلي نحشم و نهز راسي لسميّة
توحشّت نسمع صوتك في الصُبحيّة
توحّشت نعدّي معاك ليليّة
نحسبو النجوم لين نلقاوهم ميّة
و كي نوصلو لل ميّة نتعب و نغمّض عينيّا
و نحط كفّك على خدّيا
توحشت نرقد متهنيّة
توحشتك و الوحش عمل فيّا
أما نقلّك : الوحش و لا الأذيّة
أمل الرياحي
Website Design Brisbane
Tags: