Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
يزيك
Amal Riahi - امل الرياحيتجي تراجع روحك بعد ما تعداو سنين
سنين تعداو في رمشت عين
و نتي لي عادك بروحك تغني لبارح كان عمري عشرين
تجي تشوف تلقاك ما حصلت شي في اليدين
تسءل زعما العيب منين
زعما عشت في زمان قديم و قتلت روحين
زعما كفرت بالدين و لا كنت عاصي الوالدين
تبقى تخمم ساعة و ساعتين
لين يطير النوم و تدمع العنين
و تقعد حاير بين البينين
تحب تنحي الحمل لي قوسلك ضهرك و تمشي بعيد اما ماتعرش فين
و ماتعرش حتى كيفاش تنجم تنحي الحمل الرزين
تدور و تسأل زعما انا مل العباد الظالمة و لا المظلومين
نتي لي تلقى روحك عايش في كذبة
كذبة كحلة اما نتي زينتها بالألوان
و صدّقت انو هذاكا واقعك المزيان
اما لوقتاش بش تغطي عين الشمس بالغربال
وقتاش بش تركح في الوسط ابرة الميزان
لوقتاش بش يبقا الدرك طايح عليك وحدك
كي وقفت معاه و مالقيتوش واقف بجنبك
تستاهل ماهو الذنب ذنبك
نتي لي دخلتو لقلبك و عطيتوا مفتاحو
و خليتو يعزف و يتلذذ في جراحو
و نتي لي فيبالك هو العمر و هو شمسو و صباحو
حتى لي جا الوقت و أفعالو من بعيد لاحو
تسأل علاش معاك البيبان تعكس تتسكّر
و علاش كي تمشي في الثنيّة ديما تتعثّر
و ماتلقاش شكون يواسي حتى بكلمة و يصبّر
توجع كي تحب و تلقا روحك منسي
الثنية طويلة و نتي وحدك تمشي
تسأل علاش لي تمنيتو البارح معاك ليوم مع غيرك
علاش خلاك و هوّ كان عيش في خيرك و خميرك
هو بيدو لي كان يقلك حياتي عدم من غيرك
أخرج من مخي آش بيني و بينك !
كي عديت ليالي نلوج عليك نتي وينك !
توجع كي تعيش بين نارين
تعيش بشخصيتين مختلفين
وحدة عاليسار و لخرة عاليمين
و يكثر في مخك التزنزين
وحدة تقلك يزي و لخرى تقلك شفيها كان جرّبت مرة و مرتين
انسى لي فات و حلّ اكا العينين
فيق يزيك مامشيت في الساقين
كهو يززيييي هناا ستوووب
يزي ماعشت دنيتك في الفلوووب
تستنا و قتاش تضحكلك و تقلك تووب
أعمل لروحك قيمة و قدر
آقف على ساقيك و أخرج مل الحفر
يزيك ماعطيت العسل و كافاك بالمرّ
يزيك ما قريتلو حساب و هو أصلو صفر
تي مرّة وحده العمر يتعاش
يزي مالوجت عل الفرحة فيه و هيّ مافماش
يزي ما دقيت بابو مرة تلقاه و عشرة ماتلقاش
يزي ما حرمت روحك و عطيت للي مايسواش
يزي مسألت علاش و علاش و علاش
يزي ما عطيت لذل كارو
يزي ماسكرت وذنيك على خنّارو
يزي ماستنيت قدام باب دارو
يزيك ما حرقتك نارو
خليه يعوم و يغطس في عارو
يزي م السؤاالااات
تعدا و كمل ثنيتك و قدّم و فوتو بااارشاا خطوات
وقتها تعرف لي قيمتك في نضرو علات
خلي يقول سبقتني و في طريقها مشات
اي مشات بعد ما توجعت و بنارو تكوات
اما توّ مالوجيعة تنسات
و النار لي كواتني طفاات
كملت حياتي و نسيت اللي فات
و الدنيا في عينايا زادة حلات
أمل الرياحي
Website Design Brisbane
Tags: