Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نهارت الي يفوت الفوت
Dalel Nasri - دلال النصرينهارت الي نموت. .نهارت الي يفوت الفوت
و لا عاد نحسك. .ولا نحسني
نهارت الي تبرد اطرافي. .ونرى الي فما شكون خلافي
قلبو واجعو عليا
نهارت الي أنفاسي. .ما عاش نحسها حية
نهارت الي نمشي بلا رجوع
و في عينيا ما عاش نلقى دموع
شنبكي عليا
على دنيتي الي وفات
على أحلامي الي مشات
على روحي الي خرجت من روحي
نهارت الي كلامي يسكت
و غزرتي تبرد
نهارت الي النفس ما نلقى
و لا نتعب. .لا نبقى
و نرتاح. .مالصياح
نهارت الي ضحكتي تتخبى
و فمي بالكلام ما عاش يتعبى
و توفى اللعبة
لعبة السنين و الأيام
لعبة الاحلام الهاربة
نهارت الي بدني ما عاش يجاوب
ما عاش يحب يحارب
يسلم و ما عاش حتى بالومية يتكلم
و يغرق. .يغرق
مخنوقة. ...
نحب نتكيف
نحب سمايا تشتي ما تصيف
عينيا تاكل
و قلبي للخوف حامل. .و عقلي هايم و هامل
نحس في روحي نبقبق
سكرانة و بش نتطرشق
خيوطي بش تتفتق
و يتسرسبو خيط ورا خيط
عقاب العشية. .مع الأرواح يعملو سهرية
و يمشيو الحيط الحيط
لين يلقاو الثنية
و يدخلو مدينة الاسرار
و يسألوا من دار لدار
ماتت و الا مازالت حية
الي هبالها قتال
و ضحكتها تقرقع جبال
هذيكا ينجمها الموت؟ ؟
و يفوت عليها الفوت؟
دلال النصري
Website Design Brisbane
Tags: