Zaineb S. - زينب س

براس أمك هذي دهينة شو شطر الحيط مقشر علاش هكا يا وجدي ... والله لا حمة لا هذيكا بلاصة مندية .. تزكم فيا عندك عندك جمعتين كان الماكلة و التاي و مخدمتلي شي وراس أمك فلوسك لا تشوفهم .. يزي صلي عالنبي ولاد حومة رانا بش نخسرو بعضنا على الدهينة ..

يا ولدي عرس أختي مزالو جمعتين و دار مقلوبة ما نفهم شي .. جبدتها عفاف من يدها .. يزي شبيك عافسه فالراجل هاو يخدم ..لا يخدم لا شي يسيب في طحينو و يمص فالفلوس .. حمة وسع بالك ياسر على عصابك هذا الكل على دهينة ..

بففف إجا نمشو لداركم راسي بش يتكسر مالجوجمه متع الصغار ..إي انا مفهمتش خواتك جاين من توا و جايبين صغارهم علاش العرس مزال .. براس أمك خليني يا عفاف خواتي ما يعرفو كان الفلوس آخر الشهر و قال شنوة توا جايين يعاونو فينا .. إجا أهرب ماله بحذايا و خليهم يعاونو .. خرجو تعدات حمة للقهوة طلت على الروج تلقاه حال فمو في ماتش في التلفزة و مسيب الخدمة زادت هبلت عليه و خرجو . وصلت لدار تلقى منجية أم فاروق : حمة شنحوالك وين وصلتو في العرس ..

هههه خالتي منجية كرهتو العرس خرج من خشمي .. علاش يا بنيتي العاقبه ليك انتي و عفاف بنتي نفرح بيكم كيف هالساعة.. حمة : أنا خالتي منجية يذنوبي هههه .. لمرا يا بنيتي مهما قوات و كبرت مالها الا دارها و راجلها هذيكا سنة الحياة ..عفاف : أمي سيبها بلاهي هاربة من دارهم عالحكايات هاذم .. حمة : خالتي منجية جيعانه ثمة فطور .. إي ثمة ماله لا . اتحطت الطاولة و ضربو الكسكسي قد قد ترماو في الصاله يتفرجو في التلفزة أما مش مركزين معاها .دارت عفاف لحمة : حمة في بالك تعرفت على واحد .. واللهي ماذبيا نفرحلك أما كرهتهم رجال توا يطلع صاقط كيف وخيانو.. ههه يا بنتي أنسى توا قريب 4 أشهرة تعداو على حكاية أنيس و باقي منسيتوش .. منسيتوش و ماعادش نتفكرو كيف قبل أما كرهتو و انقمت عليه .. ضربتها في كتفها و غمزتها .. باهي و فاروق كرهتو هو زادة ؟؟؟ ...

متفكرنيش في خوك ما زاد عليا كان هذاكا تقلب عليا قتلو إجا إخدم معايا شد القهوة طفاني و مشى يخدم في قهوة لسمر مصقتو.. ههه يحبك ياخي متفهمش ... براس أمك أخطاني ..قربت منها تكلمت بشوية .. ياخي ما تفهمش كيف خويا كبرنا مع بعضنا تي كي .. كيفاش بش ... بش شنوة ؟؟؟ ...كيفاش بش انعيش معاه حاجات بين راجل و مرا باهي انقولك حاجة كان نخرج قدامو عريانه بكولي عادي ما نتقلقش و ما نحس بشي خويا يا ديني .. اطرشقت عفاف بالضحك ..هههههههه أرتاح ما فيباليش منجية جابتك معانا منين جاه خوك... هوما هكاك و فاروق دخل ..باهي سكر فمك هاو جا ..أه شبيك اتسكت فيا ... حمة دورت وجها عملت روحها متغشه عليه .. ما تحكيش معايا هذا بش تجيني تتفاهم مع وجدي الدهان.. حتى انتي براس أمك جايبة دهان أسمو وجدي و اتحبو يخدم.. هذاكا اش لقيت صيف و ملقيت حتى واحد باهي ..باهي هيا قوم ... مشاو لدارهم دخل فاروق حكى و رجع لحمة..أهوكا كلمت نهارين و يكمل .. وحدك عشيري .. خرج رجع لقهوة لسمر يخمم فيها قد ميحاول يشد روحو عليها شي أول ما تستحقو يمشي يجري يحسها مسؤله منو أما كلامها مع عفاف اللي سمعو اليوم هبلو في راسو كيفاش مش حاسه بيه مش شاهيتو كيفما شاهيها كيفاش ميحرك فيها شي يعرف روحو ينجم يهبلها أما مادامها متحبوش حكاية زايدة .. كمل خدم تعدا شرا حارة بيرة شربها دوختو في راسو خاطر مش شرايبي بطبيعتو أما حاسس لازم ايفش غلو في حاجة هز تلفون كلم هيفاء متعرف عليها عندو مدة عالفايس بوك و بطبيعتها مش بعيدة تسكن..أهلا هيفا ..فاروق كي السبه .. ههه لا صدقني تلهيت فالخدمة أيا كيفاش انشوفك توا ؟؟ ..

كان متنجمش خلي.. لا لا انجم وين انجيك ..عندك كرهبة ؟؟؟ إي كرهبة بابا.. اوكي ايجاني وين البوسطة ، وقفت قدامو كرهبة طلت منها هيفاء أحلى من تصاور الفايس بوك طلع بجنبها مدت وجها باستو بوستين .. أخيرا تقابلنا .. مشاو ركشو في بلاصه بعيده عالعينين بداو يحكيو عادي فاروق الشراب دوخو و هيفاء اتقطر أنوثة الدنيا ضلام و وحدهم فالكرهبة شاف فيها حميدة تذكر الاهانة اللي سمعها اليوم في حق رجوليتو حب يثبت لروحو اللي مش صحيح .. يحكي معاها و حط يدو على فخاضها غزرت ليدو و متحركتش زاد اتشجع قرب منها طيح بيها الكرسي طبس فوقها بنصو و هبط على شفايفها كلاهم ماكلة فقد السيطرة على روحو من شفايفها هبط لرقبتها لصدرها و بعد هبط يدو بش يحل سلسلة السروال شدتو من يدو حبت توقفو مش في نيتها تعمل حاجة كبيرة حدها حد بوسة و تعنيقة أما فاروق مش فايق بروحو بعدلها يدها و هبط بكلو عليها.. الطفلة تفجعت دزتو بسيف و صاحت ..شبيك هبلت .. بعد عليها بعد ما فاق شوية باللي عملو ..سامحني ما نجمتش انشد روحي .. أهبط انحب انروح .. اهبط و طربق الباب وراه روح غم على راسو و ارقد ...