Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ستاحشتك
Saida Jaafer - سيدة جعفرماهوش slam
خاطر مش ديما الكلام يحب يطلع ملحن
ساعات مالوجيعة ماعادش نعرف انظم الحروف
_______________________________________
و ساعات نرجع نتوحشك
و صدقني من غير ما نحلفلك
مش كيما اي نوع وحش
نوع متاع نستاحشك بطريقة اني نعرفك شكونك اصل
خاطر تعبت من اني نحلم بيك و ف حقيقتي نستناك و ما تجيني
نستاحشك بمعنى انهم الكل حتى شي، و انتي اللي نستنى فيك تو سنين ولا قلت نحن و نمشيلها نبرد عليها
انتي اللي نستاحشك ب نوع اخر
نوع نحب نخطفك منهم، نتلهى بيك
نخرجك بلايص نحبها و نحببك فيها
نستاحشك نوع نبكي عندك بلا سبب
و كي تضعف انتي و تبكي، نضحكك من اجنابك
نستاحشك نوع نكتب عليك و انتي بجنبي
يح.. تخيل تكون تعرفني قداه نحبك و تراني نكتب في كلام الحب عليك
و يوفى الكلام و نعوضهملك بوسات لين يهزنا النوم
تخيل ترقد و نبات فايقة ميجينيش النوم من زين تفاصيلك
من ريحة حبك، من عشق جفونك المسكرة و كدس العروق الزرقاء فوقها
تخيل نبوس كل شفرة في عينيك و مع كل بوسة نحبك فالوسط
تخيل تتحير من خدمتك و ما ترقدش الليل
و من تعدية صوابعي بين خصلات شعرك، يهزك النوم خميري
تخيلني نحبك و انتي فيبالك
و انتي تحسب في كلمات نحبك بوس و تعنيق
تخيلني منجمش نرقد كان تعاركني
تخيلني نمشي البحر نشكيلو، و على تلفيتتي نلقاك جاي لاحق عليا و تقلي معندك وين تهرب مني، نعرفك تراكنك الكل
تخيل روحك تعرفني اكثر من روحي
تخيل ننسى نحب روحي و نحبك
و نحب نحب روحي خاطر انت الروح و الجواجي
تخيلت؟
ستاحشتك.. شتاحشتك نوع ما نجمش نرقد كان مش انتي اللي تبنن بيا لين نحلم
و ف منامي ما نشوف حد غيرك
ستاحشتك نوع منجمش نغزر لحد غيرك، من غير لا نعرفك
نحب نراك، ستاحشت نراك، تي حتى من بعيد، شوية و برا ميسالش
ياسر ستاحشتك، برشا ستاحشتك
و قداشهي موحشة الدنيا كي منستاحشكش، كي منتخيلش خيالك بجنبي و تحتي و فوقي
كي منعنقوش و نبوسو و نرقدو بجنبي لين نتهنى عليك بحذايا
ستاحشت نتنفسك، ستاحشت نتنفس
و نرد النفس ما نقصوش
خاطر وقتها يولي عندي علاه انجم نعيش..
سيدة جعفر
Website Design Brisbane
Tags: