اليوم شافوني

خرجت مالحومة بعد شهر فالدار

شهر نقاهة ولا اعاقة مش عارفة بالضبط

سمعتهم كي بداو يحكيو، رجعت دخلت

الدار تغط كره

مشيت بيتي

ريحة المرض فيها ولات كالبارفان ،لا ،كي الفراش ار متاع الهوا متاعها ،ريحتي عباتها، كي متت و حييت فيها ليالي و نهارات و بابي مسكر و حد لا دقو عليا و طل يتفقدني حية ولا ميتة.

قلبي واجعني، بدني وحدو طاح عالجراية، طاب، تهد، ظهري تقسم من غير لا بابا يقسمهولي، دنيا كسرتو، جلدتو ،ناسها و فاسها، و كاسها لي فاض عليا غرقني.

و الرب تعبت، تخمام ف عبادو حرقني، طفيت بدني و جهدو، سكرت عليه، غميت عليه لين تخنق مات.

شعري طوال مفقتش بيه متين وصل يمس جنبي، و يقلقني كي نتكى يجي تحتي، ضعفت. ضعفت برشا. كلهم قالولي شبيك، مالتصاور، مالا كان يشوفوني... مناكلش.، بابا ساعات يحب يلعب فيها صعيب معايا يعس عليا نفطر معاهم ولا، نهار اي، و بقية الجمعة راقدة نهار كامل، جمعة كاملة، عاملة فيها راقدة.. كل لقمة تدخل بدني، نردها، ريحة الماكلة ولات ترددني.. وجوهم عالفطور، زعما كل شي لاباس، تنقمني عليهم. كرهت روحي هنا. اصوات عالية، سخانة بزايد، و قطوسي مات.

ضلوعي، ضلوعي ظهرت، لحمي بهت لونو. .منعرفش، ازرق ولا موڤ، نعرش.. اما يديا ترخفت، حتى تاليفون معاش نجم نشدو. تتغشش عليا كي نقعد ساعات نهارين منكونكتيش، عضلاتي ترخفت، اعصابي تلفت، قلبي جمد، مزاجي  تبرى مني و ضميري مات. اما جيت انت، زح تو باش نولي نبكي، منين جاية هالدموع، تو كنت نقول قلبي جمد. منو. منها، منهم، قتلوني و انا صغيرة. خانتني صاحبتي، و صاحبي قبل خلاني اتعس مخلوقة عالارض. عايلتي قريب تتبرى مني هي زادة من مزاجي المتعصب و طبعي الحاد من عام 2014 .

وقتها، ك نغمض عينيا، نتفكر قداه كنت فرحانة و بنية مراهقةزاهية و نافحة بالدنيا، رغم طفولتي مكانتش ساهلة.

نرجعلك، جيت انت،. يديا بدات ترجف،. جيت انت.، و.. وليت انا انا. وليت انت انا، و انا انت. منعرفش كيفاه اما هكا صار. ضحك سنين تحرمت منو، رجعتو ل شفايفي، دموع فرحة من عام الباك ما هبطوش، جيت و جبتلي الدنيا في يديك، و ضحكتها في فمك، و زينها في عينيك،. حبيتك. نعرف. متأكدة. مننكرش، حاجة نفتخر بيها، حاجة تمسني و تأثر فيا قليل وين عبد ينجم يتقربلي بالصفة هاكي ف فترة قصيرة. .حبيتك.. و معرفتش نحبك. دللتني، فرحتني، ضحكتني، حبيتني، تلهيت بيا، خنقتك اهتمام و غيرة و لوم و تقصير وهمي. اي، معرفتش نحبك. مش كيما انتي كنت متوقع، مش كيما انت كنت تحب،. نعاركك.،نسيب غش السنين فيك، غش المرض فيك، غش

كي منلقاش منكتب عليك. سامحني، ولا متسامحنيش، مريضة تاخذش عليا. مريضة بالغيرة، و قلة الثقة فالنفس، مريضة ب حب التملك و نتوهم برشا. ممكن نتفرج ف مسلسل كوري ولا تركي و نجي نقلك حبني كيما يحبها. ما شفتش انت قداه كنت عامل لي عليك و مفرحني، تخيلت برشا، و انت بيدك حلمة مكنتش نتخيلها تصيرلي حقيقة. ممرضني، مسقطني مرا، اي. مريضة، الله غالب، سعدك. اما هاو فرصة باش تعرف الحقيقة و تعذر بلاهتي و تقصيري و غبائي فالحب. مانيش سلعة حب الله غالب. ف حياتي حبيت مرتين و صوحبت مرة شعفتني. مانيش خبيرة فالعلاقات، منعرفش نشد روحي مالغيرة كي نراك تضحك مع انتيمتك ولا تتصور مع بنت كلاسك، منجمش نقعد منحسدهمش كيفاه عرفوك قبلي و ولات عندكم كلماتكم الخاصة بيكم و السرية عليا. منحبش. منحبهمش. نكرههم. و نكره روحي خاطر منتحكمش فاللي نحسو و نبلبزها معاك. مريضة، تاعبة. نحب نتبدل. نحب نحبك كيما تستحق و اكثر. نحب نخرج اللي ف قلبي و نوريك ش حاسة، نوريك نفاخ عينيا تو خمسة ايام مرقدتش و نبكي ،و مبدلتش مخدتي. نحب نكون معاك، توحشتك، برشا. نحبك. نحبك. نحبك. اما منستحقكش. تستحق وحدة لاباس ب مخها و رصينة و تحبك، ماتزيدش على مابيك، كي تبدا تاعب تحلك يديها مش تقلك ابعدني، ما نستحقش قلبك. و راس ميمتي ضميري فاق، و عرف لي هالقلب لي فيا ظلمك و وجعك، اما فات الفوت، و تو عينيا تنجم تبكي قد م تحب. نجم تو نتأكد لي انا فاشلة ف حياتي الكل، و حطمت علاقاتي مع الناس لي حبتني. نجم تو نكمل نشرب دبوزة الخل، و منحسش بالذنب خاطر معنديش فلوس نشري بيها حاجة تفعل مفعول م خير. مرارتها ف بدني تحرق، اما الدموع اللي ع خديا تحرق اكثر ،باش تحفرلي سيكاتريس تذكرني ب لياليا كان حييت. كرهت بدني. روحي. حياتي. كارهتها، و زدت. شوية لا دخلت فيا كرهبة مبكري و انا نشق فالكياس و الكيت ف وذنيا ،تبسمت و بقيت نتفرج فيها.
نحب نقلك، محلاك. و الرب لي خلقك محلاك قداه نحبك،.

هاك الضحكة و العوينات لي نعشقهم ..سنّيك محلاهم، شعرك و يديك، و حفر الزين ف خديك نفنى علاهم، .

اما معاش نجم نقربلك اكثر. باش نعديك و نتعبك معايا. حبيتك انت تداويني، اما خفت نقولهالك.. نعرف انت بيدك مش ناقص..

نحبك، نحبك برشا، أما من بعيد،.

من بعيد خير، ليّا و ليك.

نحبّك .