Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
زعما العيب منّي و لاّ منّك
Amal Riahi - امل الرياحيزعما العيب منّي و لاّ منّك.... نسيتني و نسيت أيّاماتنا كاينّك
و المخّ لي شارد في فنّك ...و محلا فنّك
و كلمة نحبّك لي تمهمشني كي تُخرج منّك...نسيت قدّاش من مرّة غلطت و قتلك مابنّك
ماصاب الحبّ لي رشنّي يبلّك ...من ساسك لراسك
و يمسّ كلّ كلمة حابسة في انفاسك ...و كلّ حِلمة منفيّة في أحباسك
و يرصّني في قلبك و يحسبني أهلك و ناسك...ماصاب تموت فيك كلّ تنهيدة
و نقرا على شفايفك نتي لي ساكنة ل كبيدة....نحلّيك و للسما السابعة نعلّيك و تحسبني قنفيدة
و نكونلك طفلة بألف راجل صنديدة ...ننساو العرق والدين و الأخلاق الحميدة
ماني عبدتك مش من توا من مديدة....فيبالك ماعادش نفرّق بين الأديان
لا عاد نستعرف بخريطة و لا نعرف حدود البلدان ...نتي الدين و الخريطة و البلاد
نتي الدنيا و الجنّة و العباد..... نتي فساد
وعشقت فسادك ....
امل الرياحي
Website Design Brisbane
Tags: