Zaineb S. - زينب س

وصلنا نلقاو reserve 2 شنابر بجنب بعضهم ، دخلت حطيت دبشي رقدت عملت دوش اييه نحيت تعب الثنية ..لبست شورت قصير و بروتال شعري مسيب و ساندال خفيف في ساقي ، خرجت نشوف فالوتيل نتفرج فيه محلاه كبير 5* شفت وليد جيت بش اناديلو قص عليا راجل متعدي مدام شهرزاد عسلامة ..

عسلامة ..انا نحبك برشا و يعجبوني غنياتك الكل ..يعيشك ..بربي ميسالش نعمل معاك تصويرة ..اي ميسالش ..جا بجنبي و حط يدو على كتافي نسمع في صوت من تالي ..معلم نحي يديك و بعد اتصور (نلقاه وليد) ..نعم شكونك انت يا سيد ..يزي هذاكا يخدم معايا ..وليد : تسمع تسمع توا ولا لا نحي يديك عاد مادام مازلت موسع بالي ..

الراجل انطر يدو و قال: ها مش لازم ، جا ماشي جبدو وليد من مرفقو ..رد بالك تعاودها هذي المرة الجاية انطيحلك فمك ..هز روحو و مشى يغزل ..درتلو وليد شبيك علاش اكاكا ما قصد شي جست يحب على تصو...مازلت ما كملتش قص عليا و بصوت عالي شهرزاد (تصدمت) كاينو فاق بروحو تنفس بالقوي و قالي : ندخلك في خدمتك انا؟؟ ..لا ..ماله عيشك ما تدخلش في خدمتي ..و مشى و خلاني ..انا واقفة مش فاهمة شي ياخي يخدم عندي ولا انا نخدم عندو ؟!!....

طلعت لبيتي بقيت فيها جا وقت السهرية حضرت روحي لبست روبة روج بوردو فيف قصيرة من قدام و طويلة من تالي و سدري الكل على برا j'étais super sexy ,روج ا لافر attirant aussi عملت غزرة اخرى لروحي فالمرايا سي بون حاضرة ، خرجت نلقى وليد لابس كوستيم كحلة سورية كحلة زادة و كرافات حمرا (عملت غزرة و قولت في قلبي محلانا طالعين على بعضنا )هو غزرلي هزني و حطني و عقد حواجبو و بعد عينيه ركحو في سدري ، دخلت بعضي ..سي وليد انجمو نمشيو انا سي بون حاضرة و تعديت بجنبو جبدني من يدي و قالي: هكا بش تمشي ..نعم كيفاش هكا..روبة..اي شبيها الروبة ..ياسر عريانة و خاصة في...ما كملهاش ..

قربتلو و غزرتلو في عينيه سي وليد انفكرك اللي انا ارتيستا مش معلمة و هذي لبستي ..فتو و هو خلط ورايا يغزل ، طلعنا فالاسنسور وحدنا ما ثمة حد والpression طالعة بيناتنا ، بففف عاود غزرلي لروبة و دور عليا وجهو و حط يدو في جيب السروال ، انا طفيتو نستنى فالباب وقتاش يتحل بففف و اخيرا وصلنا لصالة كبيرة bien organisée حاجة حلوة برشا ، نسمع فالتصفيق ديراكت خذيت الميكرو سلمت عالقاعدين و بديت انغني ، وليد مقابلني واقف ، في وسط السهرية قام راجل يشطح و شكون نلقاه نفس الراجل اللي حب يتصور معايا فالنهار بدا يشطح و باين فيه سكران يطايح بدا يقربلي و يشطح بحذايا جا وليد بش يقرب قحرتلو و وقفتو بيدي بعد..الراجل ماشي و يقرب و بعد ولى يطايح عليا و ما نفيق كان بوليد جاي و يعطيه بونية ثنين جابو فالقاع و بدا يصيح و تلمو السيكيرتي و انا مش فاهمة شي ، شدني من يدي بالقوي و خرجني يكركر فيا قدام الناس خارجة ..سيبني سيبني مهبول انت ..سكر فمك و امشي ..و باقي يكركر فيا ..وصلنا للاسنسور دزني جيت لداخل و تسكر علينا الباب..وليد شبيك لاباس ماهو انت اه فاش تعمل (نحكي نرعش) حاقرني و وجهو احمر بالغزول ..خرجنا انا نجري وراه فالكلوار و نتكلم ..اجا هوني و احكي معايا كيف انكلمك ..جبدني لصقني عالحيط وقف قدامي و صاح عليا : قوتلك الروبة ما تلبسهاش فرحانة برشا يا ارتيستا كيف الرجال تتلاوح عليك ..اسمع انقولك انت يضهرلي فهمتني بالغالط مش على خاطر انفدلك معاك شوية بش تنسى روحك و تتجاوز حدودك فيق راك يا سيد تخدم عندي ..بعد عليا قعد يغزرلي و كشى ..خلط عليه وليد وليد استنى والله ما قصدتها دخل للبيت و سكر الباب في وجهي ....