في ليلة من ليالي ديسمبر الباردين

تفكرت أول نهار كيف جات العين فالعين

كيف هالوقيت زادا في أيامات ديسمبر الحزين تي ماو كيف ما يقولو في ديسمبر تنتهي كل الأحلام

أما أنا وقت لي شفتك حسيت لي بش تزهالي الأيام

نحبك بالبرشا أما الحب فيك مايكفيش..

نحب ننبت في جنينتك و كل مرة تسقيني بش نعيش..

و نسكن في روحك و كل تركينة فيك.. و بين نبضات قلبك نمشي خطوة خطوة و في كل خطوة نحبك من جديد.. نحب نكبش و في غزرة عينيك نحلم..نشوف ملامحي فيك و نركب جوانح نطير بيهم و نعليك..

نجم نفهمك كي تقلي تعبت و ضحيت و نحب نوصل.. اما مانستوعبكش كي تقلي مستحيل و مانجمش.... كلمة مستحيل فسخها من حياتك... و ارمي وراها سبعة حجرات... في الدنيا هاذي تنجم كل شي مادام اهم حاجة فعالم موجودة الي هو ربي... الي عاطيك الروح و النفس الي غيرك يتمناه...

اخدم على روحك و اقري و لوج و اتعب و كسر راسك و امشي يمين و يسار... وضحي و اصبر... ماتتخيلش انو النجاح باش يجيك في طبق من ذهب وانتي مكتف يديك... عمرنا مانوصلو لحاجة بالساهل وكان وصلنالها واحنا مرتاحين راو مانستحقوهاش.... اي حاجة تعملها فحياتك اعمل عليها كيف تو ماتحسش بتعب...

ساعات ...ساعات لازمنا نكونو مخيبنا و ناخذو قرارات في حياتنا تنجم توجع غيرنا ...

ساعات لازم نكونو مخيبنا و نضطروا نبعدو عالناس الكل ...و لازم نبدلو ثنيتناو نختارو مصلحتنا...

ساعات لازمنا نكونو أنانيين باش نفرحو رواحنا ...

ساعات لازمنا نعفسوا على شوية الحنية لي عندنا باش نجمو نقدمو و نعملو حاجة في حياتنا ...

نحب نحكي عليك ... نحب نحكي عليك خاتر حاسة بالي فيك ... بالي تحب تقولو جواجيك .... و تحب تنطقو عينيك ... نحب نحكي عليك ... و علينا .. و عليها ... ...

نحب نحكي علي حلمة مزيانة ... حكاتها عينيها ... علي حلمة تمنات تحققها ... تراها قدامها ... علي حلمة صنعت ايامها ... علي حلمة تمنات تضوي ضلامها .. تزهي لياليها ... و تهز راسها قدام اماليها ...

نحب نحكي علي بنية ... بنينة ... حنينة ... كانت تحلم يجي نهار و تنطق عينيها فرحة ... تكون قوية ... و ماتوقفها دمعة .... بنية حلمتها تكون بعيدة ع الناس ... الي خنقوها ... فددوها ... في العيشة كرهوها .... ما امنوش بيها ... ركبو عليها ... و استعارو منها ... علاه ؟ ... خاترها بنية ... بكلام يجرح ... حطموها ... بكوها ... مالدنيا خوفوها .... قالولها ماتنجمش ... ما تحلمش ... ما تخممش ... ما تتكلمش ... حطولها كمامة علي فمها و سكتوها ... بالعاني يحبو يضعفوها ... قال شنيا طفلة اتو تولي خير منا ... تكبر و تتثقف و تغلبنا ... نحب نحكي عليك ... و نقلك انا مؤمنة بيك ... عندك الحق تبني حلمة صغيرة ... و تقطع مع العادات و التقاليد .... الي تراك كان عروسة في تصديرة ... انا مؤمنة بيك ... و نعرف شنوا تحكيه عينيك ....