ما نحبش ننساك

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Ameny Dhify - أماني ضيفي

ما نحبش ننساك ، نحبك تصويرة محفورة في قلبي ، نحبك كواترو مزيان ، نحبك حلمة ما تتنساش ،

نحبك تخطر على بالي كيف النسمة ..

نتذكرك مش بالدموع ، اما ب بسمة ..

نحبك تبقى مخبي ..

في تركينة من تراكن قلبي ..

عشقتي القديمة .. و جرحي اللي عمرو ما برا ..

الحكاية اللي مهما قدامت ، كاينها صارت توا و هنا ..

روحي اللي ضاعت مني و عمري ما لقيتها ..

داري اللي بالأحلام بنيتها ..

و انتي بيديك هديتها ..

نحبك ديما جنبي ، حتى و انتي بعيد ..

نحب نضيع فيك و معاك .. ممكن في بلاد بعيدة و إلا في زناقي سيدي بوسعيد ..

نحبك و ما نحبكش ، و نكره حبي ليك ..

عقلي يقلي إنسى و و قلبي ديما ليك ..

نحبك ترجعلي نهار ، كاينو لا كان و لاصار ..

و تحط يدك في يديا ..

كاينو قلبي عمرو ما توجع..

و كاينها ثنيتنا فرد ثنية ..

نحبك ترجعلي ..

كيف ما يرجع المسافر لأرضو و تراب أجدادو ..

و تتوحشني كيف ما يتوحش المتغرب بلادو ..

نحبك ليا وحدي .. تكفر بالدنيا و الدين و تمن اللي لا قبلي و لا بعدي ..

نحبك .. قد ما تقالت كلمة نحبك ..

و قد ما بكات الناس ..

و قد ما اللي حسبتهم فضة طلعو نحاس ..

نحبك كيف حب الوليدات الصغار ..

كيف ريحة التراب بعد مطرة طويلة ..

نحبك اليوم و غدوة و كل نهار و ليلة ..

أماني ضيفي

Website Design Brisbane

Tags: