Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
ما نجمش نقول لا
Afek Ben Chahed - آفاق بالشّاهدأنا مرا معرسة ...تعرفت عليه كي مشيت لدار خالتي راني عجبتو بعث دارهم يخطبو... عرسنا عرس تقليدي ...
خذاني خاطر عاقلة .. عمري ما بست و ما تمسيت ...
خذاني خاطر مزيانة و نمشي برزانة في الشارع ... خذاني خاطر نبرة صوتي واطية ... خاطرني راكحة ...
و أنا خاطر عجب دارنا .. و خاطر بديت نكبر وما تقدملي حد ... خاطر بنات عموماتي عرسو و بصغارهم ...
حاصيلو العامين الاوالى تعاداو لا باس ...
الحق أنا ماريت منو شيء ... هكة هكة بيّا ...
الراجل يجيب و يجلب .. ماسمعت منو كان الكلام الحلو ...
جبنا بنوتة مزيانة ...
أما أنا رغم هذا الكل مانيش فرحانة ...
ما نعرش .. أما مانيش مرتاحة ...
نجي نحكي لأمي تقلي أعمل عقلك في راسك ...
أنا و بوك ساق في البر و ساق في القبر .. كان تطلق تتمرمد و ما تلقى شكون بيك .. هني على روحك و يزي بلا دلال ...
عندي برشا كلام في قلبي أما ما نجمش نحكيه ...
مشتهية نهار نشد راجلي قدامي و نقولهولو ...
نقلّو راني تعبت ...
تعبت و ماكش حاسس بيّا ...
بدني وروحي موجوعين ...
و انت لا حاسس بتعبي و لا ترى في دموع العين ...
عندي برشا حديث و برشا خنّار ...
كل مرة نرقد معاك نبدى كايني في النّار ...
بدني تاعب ... ما فيهوش بلاصة لاباس ...
ما فيهوش عرق لاباس ...
كل مرة كي تحط يدك عليّا...
نحس هموم الدنيا تصبت عليّا ...
نبدا نضحكلك و نساير فيك باش لا تحس و لا تفيق ...
بالتعب الي نحس فيه و لا بالضيق ...
انت تتمتع و تفرح كي تراني عريانة ...
أما أنا بدني بارد ... نحس فيه جبانة ...
جبانة مدفونة فيها برشا جروح و أمارات ...
تبكي مقهورة .. تعبها السكات ...
بيني و بين الميت ما فما حتى فرق ...
قول هو مرتاح أما انا قاعدة نموت عرق بعد عرق ...
ما نجمش نقول لا ...
نخاف على بنتي و داري لا تتخلى ...
هاني صابرة ... كل ضلع فيّا فد ...
أما ما نجم نحكي لحد ...
بقلم
آفاق بالشاهد
Website Design Brisbane
Tags: