Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

كملت ثنيتها

breakup-depressionWafa Bouhjar - وفاء بوحجر

في نفس الوقت و نفس البلاصة قعدت تستنى بلهفة كبيرة كيف كل مرة تستنى باش تشوفو تستنى باش تقلو هزني معاك ما تخلينيش وحدي..ماعادش تغيب تعرفني نخاف مالدنيا من غيرك..

حبت تقلو كلام مخبي عندو برشا كلام ما يعرفوه كان هوما الزوز..ستناتو برشا و ماجاش..هزت روحها ومشات لبلاصة العادة  البلاصة إلي جمعتهم سنين..

جات بين عينيها كل لحظة عاشتها معاه تنهدت تنهيدة خارجة من عروش القلب وهبطت دمعة حزينة من عينيها..

قالتلو برشا كلام رغم إلي عارفة إنو ماهواش يسمع فيها أما متأكدة إلي هو حسو ووصل لقلبو..تبسمت تبسيمة مخلطة بدمعة ورجعت لا أرض حاملتها ولا سما رافعتها كيف كل مرة تقابلو فيها أما هالمرة مش مالفرحة..

هالمرة غير كل مرة روحت بغصة في حلقها ودعت بلاصتهم وهي متأكدة إنها ماعادش باش تجمعهم..سرحت بخيالها لبعيييد وكملت ثنيتها..

وفاء بوحجر

كملت ثنيتها