تعرفني قداش نحبك

تعرفني قداش نموت عليك

تعرف الي انت روحي وعينيا وقلبي ودنيتي الكل

تعرف الي بلا بيك منجمش نتنفس

مالا علاش مشيت وخليتني..

علاش قطعت عليا النفس..

كيف كنت في حياتي عرفت شمعناها حد يعطيك عمر جديد..

وكيف خرجت منها عرفت شمعناها تموت وانت مازلت عايش..

معاك كنت ديما طفلة صغيرة..تضحك وتلعب وما يهمها في شيء..

خليتني نكبر فيسع ونرى الدنيا بعين مرا كبيرة

غيابك هدني قتلني وقتل كل إحساس حلو في قلبي..

حبيتك وحبيت روحي معاك..حبيت الدنيا بالباهي والخايب الي فيها

كنت ديما نتخيل حياتي معاك بكل تفاصيلها ونبدا فرحانة كايني عايشة اللحظة

كنت نتمنى يتعدي الوقت فيسع باش تجمعنا بلاصة واحدة وعيشة واحدة وتفاصيل واحدة..كنت نتمنى نكبرو مع بعضنا..كنت نرى صغارنا قدامي كاينهم موجودين..

كنت نتمنى ونتمنى ونتمنى..

وتوة بعد ما مشيت ماعادش نتمنى..

توحشتك وتوحشت ايامي معاك..

منعرش علاش مازلت للتوة ماتجاوزتش ونسيت كايني كان أني حبيت

تعبت وتهديت وكليت ومليت..

نحب نعيش حياتي ونحس الدنيا الي ماتت في عينيا من بعدك

نعرف كلام هبال الي قاعدة نقول فيه أما والله خارج من عروش القلب..

ياريت إلى صار الكل يكون كذبة..