على خاطرك طفلة

Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

Asma Ben Farhat - أسماء بن فرحات

على خاطرك طفلة ما تقراش ما تتعلمش و ما توصلش..

على خاطرك طفلة ما تحلمش و للمستقبل ما تخزرش..

على خاطرك طفلة ما تسألش علاش هكا مش هكا

على خاطرك أنثى المجتمع يعنفك، يشردك و من أفكارك يجردك..

و اذا تمردت ، اختلفت افكارك و عليهم تبدلت يمحوك و عَزْرِي يسموك

حتى مع ولاد يشوفوك بالصبع ينعتوك

ما يفهموش و ما يسألوش صاحبك، قريبك ، و لا حتى خوك..

على خاطر مجتمعنا عقليتو مسودة ، ما يقبلش الجديد ..

على خاطر مجتمعنا مزفت ، ما حجتوش بالناس اللي تخزر بعيد..

على خاطر مجتمعنا بقا متخلف حتى بعد اللي سموه الربيع ، ما يقبلش اللي خرج من القطيع

ما يعرفوش انو الواحد فينا اذا قبل يكون نسخة مطابقة باش يتمحى و يضيع..

كون انت .. عيش بافكارك انت

خرج هبالك و احلم ليلك و نهارك..

تمرد ، اخرج ، تنفس ..

طير بجناحاتك ما تخلي حد يقصهم..

خلي كلام الناس وراك و غني "خلي يقولوا اش يهم"

هكا و لا هكا مجتمعنا ما يرضيه شيْ..

عيش حياتك كاينك بنت بيْ

أسماء بن فرحات

Website Design Brisbane

Tags: