Zaineb S. - زينب س

كريم صارحني بحبو و انا رفضت بكل احترام ما حبيتش نجرحو ، و حكيتلو على هارون و حبي ليه فهمني و احترمني و احترم علاقتي بيه و ما تبدل شي بقينا صحاب ، ضحك و لعب ،لين نهار نفطر انا وياه كالعادة و نرا في هارون داخل لقدمة وحلت غصيت طحت نكح قام كريم يجري مدلي كاس ماء و وقف بجنبي يقولي

-اللطف عليك لباس توا

نسمع في هارون

-اي سافا يا معلظ سافا عاللخر

انا جيت واقفة وجهي احمر و نوكوك ما لقيت ما نقول

-هارون مش تخدم شبيك ما قوتليش اللي انت جاي

-بش نعملك مفاجئة في بالي ياخي هاني جيت لقيت مفاجئة

يتكلم و يقحر لكريم

كريم مد يدو لهارون

-انا كريم موله المطعم

هارون طفاه و قالو

-و موله المطعم اش يعمل مع خطيبيبتي ؟؟؟

-و الله صاحبي ما ثمة شي غالية راي عز الناس و احنا صحاب موش اكثر

ما جاوبوش غزرلي انا بغزرتو اللي تخوفني و قالي

-اخرج قدامي

خرجت ساقية يضربو في بعضهم ،شوية و خلط عليا ....