فقت من حلمة صغيرة ..نلقا روحي كبيرة وعالصغرة بعيدة وفي الهم غاطسة عندي مديدة ..

محلاها الدنيا  اي محلاها كي تعطينا الحجات لي نحبوها

ينجمو يكونو كلمات صغار اما معناهم وفرحتهم فالقلب كبار

وينجمو يكونو كيف تبسيمة امك وهيا تدعيلك بالخير وفرحة بوك بيك وشوفة اخواتك واصحابك دايرين بيك والدنيا مشياتلك وزاهيتلك

حجات مزيانيين حلوين يخليو حياتك وعيشك في سابع سما طايرين ..

اما  مخيبها مخيبها كي تلقا روحك وحدك في بيت ظلمة تنادي تصيح حد ماو منجم يسمعك ولا يفهمك حد ماو منجم يفهم كلامك ..سكوتك تمهميهك .. تخلويضك وضحكتك الصفرة ...مخيبها كي تسمع مشاكل غيرك وحد ماو منجم يسمعك ويحس بيك  مخيبها كي تعيش بدن بلا روح عقلك وقلبك تايهين ..ضاعين وتاعبين مالتخمام والاحاسيس لي فيك       

......ونتي عايش الحالة هاذي يجيك صوت يانبلك ضميرك ويسؤلك 'ياخي لوقتاش انتي باش تكمل تعيش هكا ذليل ومكسور الخاطر ''

تجاوب روحك  ''اي اي لوقتاش باش نكمل نعيش هكا لازمني نفيق على وضعي ونخلق هاك الحلمة المزيانة لي رسماتها فخيالي ونحققها لازمني نصنع جوي ونطير ...نعيش اللحصة والسوايع بالباهي والخايب لي فيهم لازمني نفرح ..لازم نحب ونتحب انا تخلقت باش نعمل جوانح ونطير ..