Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #2

zaineb-roman-derja-artista-tunisieZaineb S. - زينب س

الجزء السابق

كل ليلة هكا قدام لمراية نتفكر مواجعي و محايني نتفكر صغري في دارنا فالريف اي جيت مالريف كنت لكبيرة فالدار احنا 5 خوات 3 بنات و زوز اولاد ما فهمتش علاش يجيبو فينا يعني لا يزي فقراء و زيد يكدسو فينا على بعضنا انا و خواتي تربينا طفولتنا محرومين من ابسط الاشياء بابا و امي صعاب قلوبهم كاسحة الدنيا قساتهم و الفقر رباهم ..بدينا نكبرو شوي انا و خواتي لبنات انا عملت وقتها 14 سنة ..نهار نلعب ريت راجل جا يحكي مع بابا و سمعتهم يتفاهمو عالفلوس ..بعد ما مشى بابا نادالي و قلي : خديجة حضر روحك بش نبعثك تخدم عند ناس باهين ..شنوة وين نمشي و شنوة بش نخدم ..عيش بنتي لازم تعاونا انتي توا لكبيرة بش تخدم تعاونهم فالدار شنوة ماو علمتك امك قضية الدار ..

ما فهمت شي حضرولي ساك فيها شوية جرود و خبز و عضم عربي ..نبكي انصيح لا لا منحبش نمشي و اخلي خواتي ..جبدني بابا كركرني للكرهبة متع الراجل و قلي يزي مالدلول لقيت خدمة و تتشرط ..هزني الراجل معاه و انا دموعي على خدي ..وصلنا لدار كبيرة ،اول مرة انشوف دار هكا مش كيف الديار وين نسكن انا ،هبط نرعش جبدني راجل من يدي دق الباب خرجت مرا تعمل في 40 سنة : اه بوراوي هذي الطفلة ..اي مدام شوفها ان شاء الله تعجبك ..كايني سلعة تهز فيا و اتحط ..تي هاي ضعيفة في حالة تو هذي بش تنجم خدمة دار و تغسل و اطيب ..بوراوي هذا يرعش قدام للاتوو يقنع فيها : لا والله يا مدام بنية باهية و خفيفة و تو اتهز صحتها ان شاء الله عاد انتي دار الخير ..باهي باهي انتي يا طفلة اش اسمك ..انا انا خديجة ..ايا برا اهيكا الكوجينة ابدا بالماعون لين نخلط عليك ..



زينب س.
SaveSaveارتيستا #2