Zaineb S. - زينب س

فيسع دارو بيا لبست روبة كحلة طويلة بروتال و مكياج و اوب جيت خارجة تفكرتو ..امل امان وين تلفوني فيسع جيبهولي ..جابتهولي ..الو وي وليد اي اي اجاني توا عيشك .. جاني وليد..لازم تدخل اقعد مع securité المهرجان ..اوكي.. جيت ماشية رجعتلو ..ما ثماش بون كوراج شي ..دخل بعضو و قالي: ربي معاك ان شاء الله مربوحة ..اطرشقت بالضحك ..

هههه على اساس ماشية انكور انا ..تبسم نصف تبسيمة ..اي اول مرة نرا تبسيمتو ..امل : مدام ماعادش بكري ..اي اي كملت سايي..طلعت للمسرح جمهور برشا تصفيق تزفير بديت نغني تسلطنت كالعادة و نسيت روحي ..

وفات سهرية ناجحة كالعادة حمدلله دوب ما هبط عالمسرح جاوني وليد و امل و الصحافة كالعادة هجمت عليا ما وصلت لبتي كان بسيف..بدلت دبشي و خرجت ..فالطريق وليد كالعادة ساكت ..وليد عجبتك الحفلة ..اي يعطيك الصحة ..وشنوة اللي عجبك فيها ..ما نعرفش بالضبط انا امور الغناء ما نفهمش فيها..( في قلبي قوتلو انت خيارك ساكت خير بفف) ..وصلنا ، مشى هو لستديو متاعو و انا دخلت لدار ...

تعدات جمعة ما ثمة شي سبسيال ما خدمتش فيها برشا ، قمت الصباح بكري اول مرة فالعادة انقوم مخر ما نعرفش طار عليا النوم حبيت نشم شوية نسمة خرجت لجنينة نلقى وليد يترانا (يعمل فالابدو) مشيتلو ما فاقش بيا ..صباح الخير ..قام فيسع ..صباح النور ..هاك سبورتيف ..اي نورمالمون انا entraineur..اه اي نسيت ههه شنوة تراني..جيدو..يا علاش متعلمنيش..سكت ..شو والله بديت نعمل فالكرش ههه انا مش سبورتيف برشا كنت قبل نقوم نعمل مارش اما كيف تكثر الخدمة نصبح راقدة و منجمش نتحرك ( فقت بروحي نحكي برشا و هو ساكت ) باهي نعمل معاك شوية سبور كان ميقلقكش ..اي تفضل ..اي علمني انا ما نعرفش ..

متردد شوية و بعد قلي : لازمك حاجة مرتاحة تلعب بيها مش بيجاما ..اه اي باهي دقيقة نبدل و نرجعلك ، مشيت فيسع لبست خلعة (type boxer) فالازرق و الاكحل و كالسون اكحل و بسكات بيضة و زرقة لميت شعري عملتو queu de cheval و خرجت قعد يغزرلي شوية و بعد قالي : ايا نبداو ..اوكي ..بدا يوري فيا كيفاش نعمل échouffement و انا كيف الحطبة بدني الكل واقف ما ثماش souplesse جملة مش كيفو ..احنا اكاكا و فاطمة دخلت قعدت تغزر درتلها : اه فاطمة جيت ايجا اعمل معانا شوية سبور حتى انتي عندك كرش ..تفجعت ..لا مدام عندي سبور فالكوجينة يزيني ..ههههايجا ما تندمش بش ادوخ مختار ( راجلها ) حشمت و دخلت تجري ..نضحك عليها درت نلقى وليد يضحك قوتلو ..لا لا مستحيل ..قعد يغزرلي ما فهمش ..وليد يضحك لا نحلم انا ..علاش عادي ..مممم يمكن ..باهي مازلت تحب تكمل ولا بش تخلط على فاطمة ..شو ليوم يزيني تعبت و زيد يضهرلي بدلت راي عاجبتني كرشي ههه ..مشيت و خليتو يتبسم