الجزء السابق

من غدوة قاعدة في الصالة جاتني فاطمة..مدام ..نعم.. جا العساس الجديد..ووه انا عساس..دخل بعضو..عليا انا..اووه ، قمت مديتلو يدي..مرحبا بيك ..اووه فاطمة هذا سي وليد بش يعاوني في خدمتي ، عساس !..وخي وين نعرف سامحني..باهي برا برا شوف فطورك ..

مشات فاطنة و هو واقف ساكت ما تفهموش يغزل فرحان عادي ..سي وليد تفضل ..لا مذابيا نبدا ديراكت ..باهي على كيفك اتفضل نوريك الستديو.. مشينا درنا فالجنينة حليت الباب ..تفضل..بعد خلاني نتعدا انا قبل ..

شو هذي الصالة بون مش كبيرة برشا هذيكا بيت النوم بيت البانو و بالنسبة للكوجينة ما تستحقهاش ماكلتك معانا ان شاء الله ، و تبسمتلو ..حط ساكو دور عينيه ..اه عجبك..ميقلقنيش ( بففف ما يعرفش يقول باهي عيشك ) باهي نخليك ترتاح ساعتين و نخرجو ..اوكي.. خرجت مشيت فطرت حضرت روحي لبست روبة فوق الركبة بشوية فالازرق خلعة و معاها تالون في الروز لبست مريات الكادر متاعها روز (حاجة فاشن ان ههه) فاطمة روحت سايي وينو هذا انا زادة نمشيلو بففف مذكاني مخذيتش حتى نومرو متاعو بش انكلمو ماعادش بكري ..

دقيت عليه الباب..يا سي وليد..شي ..وليد وليد..ما عادش وقت حليت الباب و طليت براسي ملقيتوش ، دخلت طليت شي ما ثماش ، انا نلوج و هو خرج مالدوش عامل منشفة في نصو سدرو كلو شعر ..يقطر بالماء حافي، شافني تصدم .. انا تربثت و حشمت عالاخر..وليد امان هكا تكركر من اول نهار..ستنيتك تكلمني ، ما حبيتش انقلقك..اه وي عند لحق اي امان انا ماعنديش نمروك..خذا تلفون متاعو و مدهولي ..بقيت نغزرلو ما فهمتش..خوذ كمبوزي نومروك ..خذيتو عملت appel لروحي و رجعتهولو..بقا باهت فيا..دخلت بعضي اهه سامحني نسيت باهي البس فيسع امان ديجا روتار احنا و خرجت..اووف مله احراج شبيك يا شهرزاد وين مخك ...