Zaineb S. - زينب س الجزء السابق

كل مرة انقابل واحد ما نعرفش شي ما رتحت لحد سايي ايست ، جاتني امل قتلي : مدام شهرزاد ثمة واحد جا توا ..كلمتو انتي؟ ... لا لا قال شاف الاعلان عالانترنيت جا ..باهي دخلو اما ما ظاهرلي بش يطلع خير ماللي قبلو ..

دخل هزيت راسي نلقاه راجل فال33 سنة هكاكا bien musculé شعرو اكحل و عامل لحية خفيفة زايدة فيه الشطر لابس pull نص نوار في يديه ليسار ثمة تاتو باين شوية مال pull في زندو عاملو ..عسلامة اتفضل اقعد ..يسلمك (صوتو خشين و كلو رجولة ) تعطيني الcv  متاعك ؟؟ ما عنديش cv ..كيفاش باهي مش مشكل في انا agence de scurité خدمت قبل ..لا عمري ما خدمت فالsecurité ..سامحني يا مسيو تعرف ماو شنوة البوست اللي جاي على خاطرو و شنوة لبروفيل اللي احنا طالبينو ..غزرلي في عينيا شوف مدام فاهم بالقدا انا كنت entraineur في صال دو سبور توا قصيت ما تفاهمتش مع مولاها اما سامحني غلطت ما قريتش الاعلان بالقدا، و وقف جا ماشي ..

اي اي يا مسيو وسع بالك مش هكا راو يجي لكلام ، باهي اقعد نتفاهمو ..تفضل..عندك برمي .. ( مش قاعد يغزرلي جملة ) اي عندي ..باهي انا مستحقة حد surtt معايا مالعشية لصباح هذاكا وقت خدمتي و مذابيا زادة بالمبات ..اي هذاكا علاش رفضت برشا قبلك شوف بش انكون واضحة معاك اكيد تعرفني انا نغني و معروفة و وليت خايفة مالسرقة و البراكجات surtt توا وقت خدمتي نحب حد معايا ديما ..خمم شوية عقد حواجبو .. اي و وين بش انبات ..عندي ستديو صغير لاصق فالفيلا الباب الصغير كان ريتو فالمدخل و جيست باش نخدمو المدة هذي هكا و بعد كيف تنقص الخدمة بطبيعة تكون حر اكثر..قعد يخمم ، جبد سيقارو ..غزرتلو ..

ميسالش نتكيف ..اي خوذ راحتك ..سكت سكت و انا باهته فيه وقتاش بش ينطق هذا نوليش نتشحت فيه يطلعش عالفلوس ..اسمع يا سي ..وليد .. باهي سي وليد شو متخافش امور فلوس الشهرية متاعك **** دينار..

هز عينيه غزرلي ..مش كل شي فلوس يا مدام ..سكت ( ووه شبيه هذا خشمو فالسماء تقول انا باش نخدم عندو) قام قمت معاه اه اش قولت ..وقتاش نبدا ..فرحت باهي الليلة برا حضر روحك ما عنديش خدمة و غدوة14:00 تجيني عندي خدمة .. اوكي ، هز روحو و خرج ..بقيت انخمم وحدي ما فهمتش علاش شديت فيه صحيح و قبلتو بش اندخلو لداري و نعطيه ثيقتي ما نعرفش انا مرا حياتي كاملة انتبع في قلبي و احساسي و المرة هذي زادة تبعت اللي رتحتلو ....