Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #15

zaineb-roman-artistaZaineb S. - زينب س

الجزء السابق

اول حاجة بدلها فيا نورالدين هي اسمي نهار قاعدين انا وياه و الشاعر اللي تعرفنا عليه قبل قلي اسمعني خديجة بش تدخل للفن لازمك اسم اخف من هذا ..علاش نورالدين شبيه اسمي نحبو انا .. اسمعني يعيشك خترنالك اسم بش يعجبك برشا ..شنوة ..شهرزاد ..

شنوة الاسم هذا ياخي احنا نسميوه في تونس ..هذاكا علاش اسم اروجينال و مش موجود منو برشا لازم الناس كيف تسمع اسمك اسمك يقعدو يتذكروك .. باهي اللي تعملو انت مبروك ..

و من نهارتها مش كان اسمي تبدل كل شي خديجة ماتت فيا طريقة لبستي شعري مكياجي جابلي حتى بروفات لدار و قراوني علموني كيفاش نحكي فهموني الاتيكات الكل و قراوني اللغات زادة ، بون ما وليتش طيارة خاطر قصيت على قرايتي بكري اما تعلمت اللازم و بعد جات مرحلة الغناء جابلي بروف موسيقى علمني كيفاش انغني كيفاش انحسن صوتي و نعرف نستعملو كل يوم كان يجيني و انا تلقاني نستنى فيه بالدقيقة و الدرج نفحت برشا عالموسيقى و عطيت ما عندي و غرامي كان كل يوم يزيد يكبر بيا ..

بديت فالصحيح و بديت الخدمة نورالدين يحركلي و كلم معارفو الكل (بطبيعة ما قلهمش مرتي ، قلهم صوت جديد ولازم ياخو حقو ) بديت انغني فالمطاعم المضخمة و الوتلة و العروسات و بشوية بشوية كونت الفرقة متاعي ، مانيش مصدقة و اخيرا فرقتي انا انا نغني و هوما يعزفولي تذكرت زبيدة ايييه كل شي فالدنيا هذي معقول ..

وين انغني نعجب الناس نسمع التصفيق بديت نتشهر و نتعرف لين وصلت لتلفزة و بديت نضهر في البرامج و اللقآت و بطبيعة ما حكيت شي على حياتي لقديمة ..تعداو 10 سنين من عمري ما بين الفن و الغناء نورالدين ديما بجنبي و يساندني كانلي البو اللي ما حسيت بوجود اكثر منو راجلي لاكن الدنيا ما ضحكتليش برشا و كاينها ستكثرت عليا يكون ثمة شكون معايا يحبني و يعاوني كايني تولدت باش انحاربها وحدي ..نورالدين مرض مرض خايب داوى في تونس خرج البرا شي النافع ربي بدا لمرض يزيد بيه و انا حايرة ما لقيت ما نعملو وقفت معاه سهرت ليالي ما نرقدش اما هذاكا ربي شنوة حب و نورالدين مات و خلاني وحدي ، منغير ما نشعر و انا نتفكر دمعة هبطت على خدي تنهدت ايييه من بعد موتو تحل عليا باب المشاكل...

كيف جاو يقسمو فالورث عرفو ولادو اللي هو معرس و بطبيعة انا عندي باي متاعي معاهم ، هبلو و عملولي برشا مشاكل ، تهديد و كلام فالتلافز ، الناس الكل وقتها عرفت اللي انا كنت مرت نورالدين بن عمر ، كتبت الجرايد و اتكلمو فيا و قالو شهرزاد المغنية كانت ماخذة راجل قد بوها عالفلوس ،

كنت نرا اللي بنيتو سنين ماشي و يطيح في رمشة عين ، لا لا يا شهرزاد وقتو باش تاقف على روحك و يزي ما كلاتلك الناس حقك ، عملت محامي و خذيت فلوسي و رجعت انغني و طلعت تكلمت و قولت اي كنت مرت نورالدين بن عمر و انا فخورة بالشي هذا ، ماشي في بالي لحكاية هذي بش اطيحني و الناس بش تكرهني ، لقيتها زادتني شهرة واللي ما كانش يعرفني عرفني و الصحافة تلهاو بيا اكثر و عملت beuz لحكاية و وليت مطلوبة اكثر فالمهرجانات و الحفلات ، الدنيا هذي غريبة و الناس اغرب .....

 

زينب س.

Saveارتيستا #15