Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149

ارتيستا #14

zaineb-roman-artistaZaineb S. - زينب س

الجزء السابق

اييه كل ليلة هكا نتفكر مواجعي الكل دموعي هبطت مسحتها و قمت بش نرقد ، شكون يقول انا شهرزاداللي كنت قبل ساعتين انغني قدام مئات الناس نروح انبات وحدي في دار كبيرة طويلة عريضة ،

يكب سعدك يا سيف هكا كل ما نتذكرو لازم اي هو سبب دايا الكل قلبي مازال ما بردش عليه غلطت ليلة بقيت انخلص فيها عمري الكل ، نتسمى مزهارة لقيت راجل كيف نورالدين يسترني و ياخوني ..

نورالدين إيه الله يرحمو تفكرتو تبسمت اي ديما نطلبلو الرحمة اكثر انسان عمل الباهي معايا في الدنيا هذي من بعد ما عملي سيف هاك العملة لمشومة مشا و خلاني و صغيرو في كرشي مسألش عليا جملة و وين انحاول نتصل بيه ولا نسأل عليه نسمع كان سب و تهديد نورالدين ، وقف معايا طيحت صغيري زعمة وصلت للموت قلي الطبيب انتي بدنك ضعيف و ما يحملش شديت صحيح بش انطيحو لشكون جايبتو و كيفاش انربيه و نور الدين كان واضح معايا ،

ناخذك نعملك اللي تحب عليه اما نحيلي حكاية الصغار من مخك ..تي انا وقتها بيدي مازلت صغيرة 20 سنة الهم كبرني قبل وقتي و اتمرمدت على صغر سني ..هذاكا اللي صار طيحتو بقيت ايامات فالفرش مريضة دوايات و حاله و بعد بدات ترجع فيا الروح بشوية بشوية ..

كتبت الصداق انا و نور الدين ما يعرفو لحكاية كان خوه و صاحبو و انا بطبيعتي ما عندي حد عايلتي نساوني و انسيتهم حاقدة عليهم هوما زادة ما يعرفوني كان فالفلوس ، اما بش ما يشكوش فيا قعدت كالعادة نبعثلهم فلوس كل راس شهر ..عرسنا و بدات يمكن احلى ايامات حياتي ... عرست ، نور الدين شرالي ابارتمون مزيان و مضخم برشا ما حرمني من شي ، حوايج برفانات اللي نطلب نلقى عاشق فيا ، معاه شفت الدنيا مشيت لبلايص عمري ما تخيلت نهار انراهم سافرت معاه اما كل شي كان فالسر اما من اول نهار عرس نبه عليا و قلي نعرف اللي رجعت اتكلم في سيف راو ما نرحمكش ،

انا بطبيعتي سيف كرهتو و عفتو مش راجل صحيح ، نور الدين كان اكبر مني ببرشا و اكثر حاجة كانت مقلقتني في حياتي كي يجي وقت الفرش خاطر مهما يكون الانسان باهي معاك تقعد لمور هذي تجي سبونتاني و ما نحسبوش فيها ولا انخمو بعقلنا اما ما كنتش نقصر معاه ولا نهار رفضتو هذاكا حقو ، ساعات انقارن بين اللي يصير بيناتنا كا راجل و مرتو و نتذكر ليلتي لوله مع سيف و بعد نستعوذ مالشيطان نخاف لا نعرف اللي انا مازلت انحس حاجة ناحيتو ، حبي لنورالدين كان حاجة اخرى مش حب اكثر منو اعتراف بالجميل معزة عشرة خاطر اول مرة راجل plutout حد يعطيني قيمتي و يعمل معايا اللي عملو هو .....


زينب س.
Saveارتيستا #14