المخ سارح .. و العنين مرشوقة في السماء .. كل نهار يتعدى ينقص مالعمر و شيء ما تبدل .. كي اليوم كي غدوة .. نفس الناس و الوجوه .. نفس الغصة و الوجيعة .. نهار الي يتعدا انزيد نحب وحدتي .. و لواه كثرة الناس و هما كلهم نفاق ..

قعدت معا هاذم حكاو على هاكم .. قعدت معا هاكم حكاو على هاذم .. قعدت معاهم الزوز يبوسو و يعنقو في بعضهم .. شبيها الدنياا هكاا .. حاسة روحي مخنوقة .. كرهتكم و كرهت نفاقكم .. كل شيء بالمعكوس الي تحبو مش ليك .. و الي كيفو كيف بلاش يجري عليك و هات برك كيفاش يرضيك ...

تعبت و حياتكم ماتعجبش .. فيها مانقعدش .. ابعدوني . سيبوني و من همكم أخطوني و صاحبتكم ما تسموني .. نعيش وحيدة و لا نفاقكم يزيد علياا ، البعد و لا الأذية .. سيبوني و خلوني من كذبكم أخطوني ..

منافقين