Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
Drama Queen
Imen Riahi - إيمان الرياحيصفة و تكتبت عالجبين
"Drama Queen "
بهناسة خرنانة سكبانة
فالدموع تقلك أنا
الضحكة صفراء و القوام فاشل
مالكلمة الدمعة عندها تهبط بالساهل
أسكت و متسألهاش
ماتعمل من مشكلتها حلقة نقاش
غدوة تحبك أحداث قصتها
و لينا تحكيها
ترصيلنا نرضيوا فيها
مراجة
تفسد فرحتنا بيش ناقفوا معاها
إبعد عليها
شحنة سلبية
شمعة مطفية
أمراض عقلية
عملتلي نكد
اكتئاب اكتئاب
ركبتلي الأعصاب
ابعد و آش يهمك فالصحبة
اسمع مني
الصاحب لي يهزك مش الي يفشلك بهمومو
ابعد و تراه أعمل طلة
شوفها
كالذبابة
كبش مذبوح
من راس لراس
كالشيطان البهناس
لازم الكل يعرف مشكلتها
تضحكني
تسخفني
ريح السد!
اسكت ، هاي جات
ديما تحب تحكي
ديما عندها ما تشكي
ستنى! فلانة ماتت
علاه!من وقتاه؟
شبينا ماسمعناش؟
حل لمشكلتها ملقيناش
عملناها تفريكة
طاولة و كراسي
على مشكلتها العميقة
و الدراما طلعت حقيقة
فلانة!
استحقتنا و ملقاتناش
وتوا ويني!
تحب التراب!
و احنا تحت الندم مدفونين!
خاطر قلنا drama Queen
خاطر كنا في عقلنا قاصرين
خاطر..لي مكتوب عالجبين
لازم تراه العين..
إيمان الرياحي
Website Design Brisbane
Tags: