Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نعبر بالورقة و القلم
Imen Riahi - إيمان الرياحينعبر بالورقة و القلم
نعبر على صوت نابع من العدم
جهل و خبث و برشا هم
نعبر بالورقة و القلم
علي مشى و خلى وراه الميمة مقهورة
علي مش عاجبو اختار ياخو حقو بالغورة
علي خان علي اغتال
عالبطال الخدام
علي يسهر الليل ماينام
هايم في دنيا الاحلام
علي مش فاهم كوعو من بوعو طف طرشق روحو في الشام
علي نافحة بشبابها طلعوا فيها كلام
يحبوها كيفهم عايشة ايامها في ظلام
علي لاموها قالوا شبيك كبي تكتب عالاحزان
علي يقعد و يقوم يصلي و يصوم اما من لسانو مامنع انسان
علي فد علي تخنقت علي مات علي حيات علي عاش علي اغتال
علي شدتها غصة دموع مالقهرة بكات
على شعب عينيهم عالحقيقة عمات
على ضباع تنهش في لحمات
على بلاد تتهدم لين خلات
على حرية تقمعت و تعدمت و مشات
على شيوخ تعيط اختاااه تقوقعي
اختاااه تزوجي تنقبي
و انا نقول تحرري تمردي تعلمي ابتسمي
على شيوخ بعيدة عالعقيدة الاسلامية
همها كبير
همها اعضاء تناسلية
ريوس كبيرة تمويل في صالح اعمال ارهابية
حكاياتهم وهمية
دجالهم من فكرة نفاقهم
عربان خدمتهم تجار
تجار دين تجار دماغ
نكرهم
نكره مين ركب لحية لبس قميص و عالنشيد يوطي الراس و يصم الاذان
من قاعدة صباح و ليل تحكي على فلانة و تسب في سي فلان
من التجلطيم تسميه صراحة وماعرفت تفرق بين الاعاقة و الدلال
من قلة الادب تسميه حرية و التمرد معاها اتهان
من النفاق و الغدرة و الكذب رفعو شعار
اتذكر معايا الشعب العظيم الي ندد برحول الزين
طلع شعب مسكين زكيم
واقف في شطر الثنية
يسأل لي صار ثورة ولا مسرحية
الحرية و الانسانية و الديمقراطية في بلادي تعابير مجازية
حق الشهيد ضاع مع المصداقية
ملي كان يندد شغل حرية كرامة وطنية
صبح يولول رجعوا الزين تعملو مزية
و كالعادة بين ثقافة الجهل و التخلف و الرجعية
صوت يضحك ينادي تخلى تراب تونس ليا هدية
نكرهم
نكره من خرجت مالمدارس
همها كبير ، قلم حمير
راجل و دار و برشا صغار
من قتل الناس و يتم اطفال
على جنة فيها حورية
تجرد من الانسانية
نكره اما نحب
نحب البطال لي رمى شهايدو فالانهار
المرا لي تربي و تتعب باش تطلع ابطال
لي مايقلقها كان بفكرها تعمل العار
لي ما يعدش على شكون داخل الجنة و شكون شيتحرق فالنار
الخدام لي يوكل اولادو من عرق حلال
نحبهم و معاهم و بيهم
سنمضي الى ما نريد
حلمة على حلمة نتخلصوا مالاوباش
الحرية غالية تتشراش بلاش ...
بقلم إيمان الرياحي
Website Design Brisbane
Tags: