فديت منهم و خاصة هي كي تحلي كراستي و تقراها و تزيد تتمنيك عليا ! نكره الي مايحس بيا و يزيد يقلي تشبيك كبي تزحزح شويا ! شنوا دنبي كي مانجمش نضحك و انا فادة منك ! الله غاللب ما عنديش النفاق صدقني نسامح برشا اما بالداخل يعلم العالي
!

يعلم العالي باحوالي خاصة كان اعز صحابي مانجمش يفهمني ياو يزيد يختار حياتو قال شنوا اديكا كبي ! يا سادة و يامادة اخطاوني يهديكم ربي ! كي انا كبي تو ربي يفرج عليا ! يالي حاسب روحك كبير تقلي جيل و ما جيل و نا قبل عانيت و قاسيت تي احمد ربي غيرك مالاقي ماياكل و تترشق في وجهي كالمدفع ماشي في بالك دنيا مال و دلال !

افهمني و قدر الي يحس فيه قلبي ! افهموا ياناس نحب نطيييير نحب نغني و نحكي عالي قاعد يصير , نحب نجاهد في فلسطين , نحب نحكي و نحارب و اناقش نقول انا تونسية ! مسلمة مش ارهابية ! نحب نركب على حصان و ندافع على حقوق الانسان ! نحب نقفز من طيارة !


علاش كي نحكي تضحكو عليا ! علاش حد ماحب يفهمني ! نحب صحاب مش وقت اللين يالين ووقت الشدة نلقى روحي وحدي ! من الصغرة علمونا الضحك بلا سبب قلة ادب ! كتصيح و تنقز عللفرش تبات تبكي من شلاكة الحنينة وتقولي حرية


ويني الحرية ! الفرحة بالنسبة ليا نعبر و نلقى الي يفهمني ! نفرح مالقلب ! سيبوني نحب نسافر ! خليوني نستكشف عالمي زرعتو الخوف فيا ! اي نعم نحقد علي يقمعني ! نكره مين يستهزىء عليا ! مانيش ملايكة اما حاجتي بالي يقدر الاحساس الي فيا ! كي نفد و تضيق بيا نسكر عينيا نتخيل روحي حرة والناس الي نحبهم دايرين بيا ! نفيق على صوت خشين ! نلقى روحي مابين 4 حيوط دنيا ظلام و عيشة ظلام و مايحس بينا كان الدي لا ينام :'(